° °

આજનું ઇ-પેપર
Monday, 18 October, 2021


દિવાસ્વપ્નમાં રાચતી વ્યક્તિને ઇલાજની જરૂર છે?

30 August, 2021 11:03 AM IST | Mumbai | Dr. Kersi Chavda

મારું મન તો સતત વિચારોમાં જ હોય છે. દિવાસ્વપ્નમાં હું રાચતો હોઉં એવું મેં અનુભવ્યું છે. મારા ઘરના લોકોએ મારો એક વિડિયો બનાવેલો જેમાં મારી આંખો ખુલ્લી છે, પણ હું જે જગ્યાએ જોઈ રહ્યો હતો એ વિશે મને કંઈ જ ખબર નથી.

પ્રતીકાત્મક તસવીર

પ્રતીકાત્મક તસવીર

હું ૩૫ વર્ષનો છું અને છેલ્લાં બે વર્ષથી ઘરે જ છું. કામનું પ્રમાણ ઘણું ઓછું થઈ ગયું છે. છેલ્લાં બે વર્ષથી ઘરે જ રહેવાને લીધે મારી અંદર ઘણાં પરિવર્તન આવ્યાં છે. આજકાલ ઘરના લોકો મારી સાથે વાત કરે તો મારું ધ્યાન જ નથી હોતું એવી તેમની ફરિયાદો છે. મારું મન તો સતત વિચારોમાં જ હોય છે. દિવાસ્વપ્નમાં હું રાચતો હોઉં એવું મેં અનુભવ્યું છે. મારા ઘરના લોકોએ મારો એક વિડિયો બનાવેલો જેમાં મારી આંખો ખુલ્લી છે, પણ હું જે જગ્યાએ જોઈ રહ્યો હતો એ વિશે મને કંઈ જ ખબર નથી. એ પછી મેં ખુદ પણ અનુભવ્યું કે મારી અંદર જાણે કે ફિલ્મો જ ચાલ્યાં કરે છે. એક પછી એક બનાવો, સપનાની જેમ મારી અંદર ચાલતા રહે છે. શું મને સાઇકિયાટ્રિસ્ટની હેલ્પની જરૂર છે?  

ડે-ડ્રીમિંગ લગભગ બધા જ લોકો કરતા હોય છે. ભાગ્યે જ એવી કોઈ વ્યક્તિ હોય શકે જે ડે-ડ્રીમ નથી કરતી હોતી. ડે-ડ્રીમમાં તમે એ વિચારમાં એવા ખોવાણા હો કે તમને એ દૃશ્ય પણ દેખાય અથવા તો કહીએ કે તમે એમાં ઊંડા ઊતરી ગયા હો એટલે એ દૃશ્યની કલ્પના તમારી સમક્ષ આવી જાય. એનાં પાત્રો શું વાત કરશે એ ડાયલૉગની કલ્પના પણ તીવ્ર હોય છે કે તે વ્યક્તિના અવાજમાં એ સંભળાય પણ ખરી. દિવસે જોવામાં આવતાં સપનાંઓમાં મોટા ભાગે વ્યક્તિની ઇચ્છા કે આકાંક્ષા છુપાયેલી હોય છે જે ભવિષ્ય સાથે સંલગ્ન હોય છે.
ધ્યાન આપો તો દિવસે સપનાં જોવાનું કાર્ય એ જાત સાથેનું કમ્યુનિકેશન છે, જેના દ્વારા તમે તમારી જાતને વધુ સારી રીતે ઓળખી પણ શકો છો. વળી, જાત સાથેના કમ્યુનિકેશનની સાથે-સાથે એ એક થેરપીની જેમ પણ વર્તે છે, પરંતુ અહીં અમુક વસ્તુ મહત્ત્વની છે કે શું તમે નાનપણથી જ ડે-ડ્રીમર હતા? કે અચાનક ૩૫ વર્ષની ઉંમરે આ બધું તમારી સાથે થઈ રહ્યું છે? જો અચાનક આ ઉંમરમાં આ બધું થઈ રહ્યું હોય તો તમને એક વાર સાયકિયાટ્રિસ્ટને મળવાની જરૂર છે, કારણ કે એ નૉર્મલ તો ન કહી શકાય. બીજું એ કે જો નાનપણથી પણ એવું થતું હોય તો પણ એક વાર તમારે સાયકિયાટ્રિસ્ટને મળવું જોઈએ, કારણ કે તમારી આ આદત તમારા રૂટીનને, તમારી આસપાસના લોકોને તકલીફ આપી રહી છે. આ આદત સાથે કોઈ નીચે ધરબાયેલી માનસિક અવસ્થા તો જવાબદાર નથી એ એક વાર ચકાસી લો. 

30 August, 2021 11:03 AM IST | Mumbai | Dr. Kersi Chavda

અન્ય લેખો

હેલ્થ ટિપ્સ

World Anesthesia Day:દર્દીના જીવન બચાવવામાં એનેસ્થેસિયા નિષ્ણાતોનો મહત્ત્વનો હાથ

ડૉ. તન્મય તિવારીએ જણાવ્યું કે “એનેસ્થેસિયાનો ઉપયોગ સૌપ્રથમ વર્ષ 1846માં થયો હતો. ત્યારથી, આજ સુધીની સફરમાં, એનેસ્થેસિયાના નિષ્ણાતો દર્દીની સલામતીને સર્વોપરી માનીને પોતાનું કામ કરે છે."

16 October, 2021 03:41 IST | Mumbai | Gujarati Mid-day Online Correspondent
હેલ્થ ટિપ્સ

World Spine Day 2021: જાણો કરોડરજ્જુના દુખાવાના 3 મુખ્ય કારણો અને ઉપાયો

ડૉ. અગ્રવાલ કહે છે “દર કલાકે 6 મિનિટ વોક કરવામાં આવે તો કરોડરજ્જુને થતું નુકસાન ટાળી શકાય છે. આ સિવાય દરરોજ બાળકોના પોઝ, કેટ અને ગાયના પોઝ જેવા યોગાસન કરો. આ બાળકોની જેમ બાળકો સાથે રમવા જેવું જ છે, પરંતુ ડૉક્ટરની સલાહ લો.”

16 October, 2021 02:59 IST | Mumbai | Gujarati Mid-day Online Correspondent
હેલ્થ ટિપ્સ

બાળકને કરમિયાની તકલીફ વધી જાય ત્યારે શું કરવું?

બાળકોના પેટમાં કરમિયા થતા જ હોય છે અને ચોમાસામાં એ વધુ થાય છે. એ પણ મોટા ભાગે પાણીજન્ય છે

15 October, 2021 07:01 IST | Mumbai | Dr. Pankaj Parekh

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK