° °

આજનું ઇ-પેપર
Saturday, 20 August, 2022


ઍક્યુટ લિવર ફેલ્યરમાં ટ્રાન્સપ્લાન્ટ જ છેલ્લો ઉપાય છે?

10 January, 2022 08:47 PM IST | Mumbai
Dr. Samir Shah

ટ્રાન્સપ્લાન્ટ ખૂબ જ ખર્ચાળ હોય છે એટલે જાણવું છે કે શું ઍક્યુટ લિવર ડિસીઝમાં ટ્રાન્સપ્લાન્ટ જ છેલ્લો ઉપાય છે? કે બીજું કંઈ પણ થઈ શકે છે?

પ્રતીકાત્મક તસવીર

પ્રતીકાત્મક તસવીર

મારા પિતા ૫૫ વર્ષના છે અને એમને ૮ વર્ષ પહેલાં ટીબી થયો હતો, જેનો ઇલાજ લાંબો ચાલ્યો. એમાંથી માંડ બહાર આવ્યા કે હવે ખબર પડી છે કે એમના લિવરમાં પ્રૉબ્લેમ છે અને તેમને ઍક્યુટ લિવર ફેલ્યર થઈ ગયું છે. હાલમાં હૉસ્પિટલમાં ઇલાજ ચાલે છે અને એમની હજી અમુક ટેસ્ટ બાકી છે. ટ્રાન્સપ્લાન્ટ ખૂબ જ ખર્ચાળ હોય હોય છે એટલે જાણવું છે કે શું ઍક્યુટ લિવર ડિસીઝમાં ટ્રાન્સપ્લાન્ટ જ છેલ્લો ઉપાય છે? કે બીજું કંઈ પણ થઈ શકે છે?  
  
જવાબ : ટીબીના ઇલાજ પછી તમારા પિતાને ઍક્યુટ લિવર ફેલ્યર થયું છે. જે બાબતે હું માનું છું કે ટીબીનો ઇલાજ જ જવાબદાર હશે. ટીબીને કારણે અમુક ખાસ કેસમાં (બધાને નહીં જ) ઍક્યુટ લિવર ફેલ્યર થઈ શકે છે, કારણકે ટીબીની દવા લેવાથી અમુક દરદીને આ તકલીફ થઈ આવે છે. એ વાત સાચી છે કે લિવર ફેલ્યર થાય તો અંતમાં ઇલાજ ટ્રાન્સપ્લાન્ટ જ માનવામાં આવે છે, પરંતુ દરેક કેસમાં એવું હોતું નથી. છતાં ટ્રાન્સપ્લાન્ટ માટે માનસિક અને આર્થિક રીતે તમે તૈયારી કરી શકો છો, કારણકે એ માટેનો સમય મળે કે ન પણ મળે. જો જરૂરત પડે તો ઘરમાંથી કોણ એમને લિવર ડૉનેટ કરી શકશે એ બાબતે પણ તૈયારી જરૂરી છે.
દરેક ઍક્યુટ લિવર ફેલ્યરના દરદીનો ઇલાજ લિવર ટ્રાન્સપ્લાન્ટ જ હોય એવું નથી. એક રેશિયો મુજબ આ દરદીઓમાંના ૨૫ ટકા દરદીને જ ટ્રાન્સપ્લાન્ટની જરૂર પડે છે. ૫૦ ટકા દરદી તાત્કાલિક ઇન્ટેન્સિવ કૅર યુનિટમાં થતાં ઇલાજ દ્વારા સાજા થઈ જાય છે. એટલે કે વગર ટ્રાન્સપ્લાન્ટે દવાઓ અને મેડિકલ કૅર દ્વારા એમના લિવરને રિકવર કરવામાં આવે છે. આ કૅરમાં મગજમાં આવી ગયેલા સોજાને ઉતારવામાં આવે છે. જો સોજાને કારણે મગજમાં પાણી ભરાઈ ગયું હોય તો એ પાણીને પણ કાઢવામાં આવે. વ્યક્તિની બધી જ સિસ્ટમ પર લિવર ફેલ થવાને કારણે જે નાની-મોટી અસર થઈ હોય છે એને દૂર કરવામાં આવે અને શરીરની અંદર લિવર ખરાબ થવાને કારણે ટોક્સિનનું પ્રમાણ જે વધી ગયું હોય એને પણ ઓછું કરવામાં આવે છે. આમ ધીમે-ધીમે લિવર રિકવર થાય છે. દરદીને ટ્રાન્સપ્લાન્ટ જ કરવું પડશે કે ઇલાજ દ્વારા એ ઠીક થઈ શકશે એનો નિર્ણય તો ડૉક્ટર જ એમને તપાસીને લઈ શકશે.

10 January, 2022 08:47 PM IST | Mumbai | Dr. Samir Shah

અન્ય લેખો

હેલ્થ ટિપ્સ

બાળકને સ્વાઇન ફ્લુ થયો છે, શું કરવું?

બાળકો નાના હોય અને તેમની ઇમ્યુનિટી હજી વિકાસ પામી રહી હોય એટલે તેઓ જલદી એના ભોગ બને છે

19 August, 2022 04:07 IST | Mumbai | Dr. Pankaj Parekh
હેલ્થ ટિપ્સ

ડાયાબિટીઝ માટેની આયુર્વેદિક દવા અને ઍલોપથી સાથે લેવાય?

મેં અમેરિકન જર્નલમાં વાંચેલું કે જો ઍવરેજ શુગર ૨૫૦ હોય તો એમાં કશું ઍબ્નૉર્મલ નથી. શું એ સાચી વાત છે? હું મહિનામાં એક વાર આઇસક્રીમ ખાઉં છું અને વીકમાં એક વાર તળેલું ખાઉં તો ચાલે કે નહીં?  

17 August, 2022 02:51 IST | Mumbai | Dr. Sanajy Chhajed
હેલ્થ ટિપ્સ

ગરદનની ચામડી જાડી અને કાળી થતી જાય છે, શું કરું?

જે વિશે જાણવા માટે તમને ડીટેલ બ્લડ-ટેસ્ટ જરૂરી બને છે. એ સિવાય ડૉક્ટર માટે તમારી લાઇફસ્ટાઇલ કેવી છે, તમારા પિરિયડ્સ રેગ્યુલર છે કે નહીં એ જાણવું પણ જરૂરી છે.

16 August, 2022 05:07 IST | Mumbai | Dr. Batul Patel

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK