બાદશાહ મસાલા અને `મિડ-ડે` પ્રસ્તુત રેસિપી કૉન્ટેસ્ટને જબરજસ્ત રિસ્પૉન્સ આપવા બદલ આભારી છીએ
અમી દેઢિયા, સાંતાક્રુઝ
ટ્રિપલ સેવપૂરી
કચ્છી સેવપૂરી
સામગ્રી
બટાટા, કાંદા, શેકેલા મસાલા શિંગદાણા, દાડમ, આમલીની ચટણી, લસણની તીખી ચટણી, કોથમીર, દાબેલી મસાલો, સેવ, પૂરી, મીઠું
રીત
સૌપ્રથમ કડાઈમાં ઘી કે તેલ મૂકી એમાં દાબેલી મસાલો પાંચ ચમચી નાખી થોડું પાણી નાખવું. એમાં બાફેલા બટાટા પા કિલો નાખી સરખું મિક્સ કરી પૂરણ તૈયાર કરવું. એક પ્લેટમાં પૂરી ગોઠવી એના પર દાબેલી મસાલો મૂકવો. પછી એના પર તીખી લસણની અને આમલીની ચટણી નાખવી. ચાટ મસાલો નાખવો. એના પર કાંદા, સેવ, દાડમ, કોથમીર, મસાલા શિંગથી ગાર્નિશ કરવું.
લસણની ચટણી : લસણ, લાલ મરચું, મીઠું, જીરું, પાણી નાખી પાતળી ચટણી જેવી પેસ્ટ કરવી.
આમલીની ચટણી : આમલી, ખજૂર, ગોળ સરખા ભાગે ચટણી રેડી કરવી.
મુંબઈ સૅન્ડવિચ સેવપૂરી
સામગ્રી બ્રેડ, સેવ, પૂરી, કાંદા, બટાટા, લસણની તીખી ચટણી, આમલીની ચટણી, કોથમીરની તીખી ચટણી, ચાટ મસાલો
રીત : સૌપ્રથમ બ્રેડ પર બટર અને તીખી કોથમીરની ચટણી લગાડી પછી એના પર ચાર સેવપૂરીની પૂરી પાથરવી. કાંદા, બટાટા અને તીખી, મીઠી ચટણી અને કોથમીરની ચટણી નાખી ચાટ મસાલો નાખી સેવ ભભરાવવી. એના પર બીજી બ્રેડ મૂકી ટોસ્ટરમાં ટોસ્ટ કરી ચાર પીસ કરીને સર્વ કરવું.
ઇટાલિયન સેવપૂરી
સામગ્રી
કાંદા, ટમેટાં, કૅપ્સિકમ, પીત્ઝા સૉસ, પીત્ઝા ચીઝ, ઑરેગાનો, ચિલી ફ્લેક્સ અથવા પીત્ઝા મસાલો, બટર, મીઠું
રીત
એક કડાઈમાં બટર નાખી એમાં કાંદા, કૅપ્સિકમ સાંતળવાં. થોડી વાર પછી એમાં ટમેટાં અને પીત્ઝા સૉસ, મીઠું, પીત્ઝા મસાલો નાખી પૂરણ રેડી કરવું. એના પર ચીઝ ખમણવું અને એને હાઇ ફ્લેમ પર ગોઠવી થોડું બટર નાખી દેવું. ચીઝ મેલ્ટ થયા પછી ઑરેગાનો અને ચિલી ફ્લેક્સ નાખી સર્વ કરવું.
ADVERTISEMENT
ચીઝ પૂડલા સૅન્ડવિચ, નમ્રતા રમેશ ઠક્કર, મુલુંડ
ઓરિયો-ડ્રાયફ્રૂટ્સ રોલ, તેજલ મિતેશ શાહ, ઘાટકોપર
સામગ્રી
૪ પૅકેટ ઓરિયો બિસ્કિટ
રીત
બધાં બિસ્કિટનું ક્રીમ કાઢી નાખો. પછી બિસ્કિટના ટુકડા મિક્સરમાં ક્રશ કરી લો. એકદમ પાઉડર કરી એમાં બે ચમચી ઘી નાખી એકસરખું હલાવો. હવે એની અંદર બે ચમચી દૂધ અને થોડી મલાઈ નાખી લોટ બાંધો. જેમ રોટલીનો લોટ બાંધો એવી રીતે. હવે વાઇટ ક્રીમ હતું એમાં બદામ, પિસ્તા, કાજુના ટુકડા નાખીને થોડો નારિયેળનો ભૂકો નાખો. ૧ ચમચી મિલ્ક પાઉડર, ઇલાયચીનો ભૂકો નાખો, થોડું કેસર નાખો અને રોટલી જેવો લોટ બાંધો.
હવે ઓરિયોનો રોટલો વણી એની ઉપર તૈયાર કરેલો ડ્રાયફ્રૂટનો રોલ મૂકી દો અને એને રાઉન્ડ શેપ આપી આડા કાપા પાડી દો. હવે એક પૅનમાં ખસખસ નાખી એની ઉપર પ્રેસ કરી દો. હવે એને ફ્રીઝરમાં મૂકી દો.
તૈયાર છે ઓરિયો-ડ્રાયફ્રૂટ રોલ.