Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > લાઇફસ્ટાઈલ સમાચાર > એસ્ટ્રોલૉજી > આર્ટિકલ્સ > બે-પાંચ મિનિટ આમ નાની, પણ છતાંય કેટલી મોટી!

બે-પાંચ મિનિટ આમ નાની, પણ છતાંય કેટલી મોટી!

10 June, 2023 04:48 PM IST | Mumbai
Acharya Rajratnasundersurishwarji Maharaj | feedbackgmd@mid-day.com

ઇન્ટરવ્યુ આપવામાં એ બે જ મિનિટ મોડો પડ્યો અને કડક શિસ્તના આગ્રહી મૅનેજર તેનો ઇન્ટરવ્યુ લેવાની ના પાડી દીધી.

પ્રતીકાત્મક તસવીર સૌજન્ય આઇસ્ટૉક

ધર્મ લાભ

પ્રતીકાત્મક તસવીર સૌજન્ય આઇસ્ટૉક


હૉસ્પિટલમાં દરદીને દાખલ કરવામાં તેના સ્વજનો પાંચ જ મિનિટ મોડા પડ્યા અને એ દરદીએ ઍમ્બ્યુલન્સમાં જ જીવનના અંતિમ શ્વાસ લઈ લીધા. ઇન્ટરવ્યુ આપવામાં એ બે જ મિનિટ મોડો પડ્યો અને કડક શિસ્તના આગ્રહી મૅનેજર તેનો ઇન્ટરવ્યુ લેવાની ના પાડી દીધી. ભારે પગારની સંભાવનાવાળી નોકરી તેણે કાયમ માટે ગુમાવી દીધી. ટ્રેનના પાટા પસાર કરવામાં તે ગણતરીની સેકન્ડ જ મોડો પડ્યો અને જીવનથી તેણે હાથ ધોઈ નાખવા પડ્યા, તેનો પરિવાર નોંધારો થઈ ગયો.


જીવનના કોયડા ન સમજી શકાય એવા અટપટા છે. સુખ સમય પહેલાં ન મળવું જોઈએ એ જેમ જીવનને સ્વસ્થ અને પવિત્ર રાખવાનો શ્રેષ્ઠ વિકલ્પ છે એમ દુ:ખની જ્યાં સંભાવના છે એવા પ્રસંગો સમયસર ઉકેલાઈ જવા જ જોઈએ એય જીવનને સલામત રાખવાનો શ્રેષ્ઠ વિકલ્પ છે. 



જવાબ આપો, શું એ બે-પાંચ મિનિટને જાળવી લેવાની ક્ષમતા આપણામાં ન હોઈ શકે? શું આપણે એ મિનિટો પૂરતા અલર્ટ પણ ન થઈ શકીએ? દીકરીની બસ બે મિનિટ મોડી પડે અને દીકરી છેલ્લી વાર પિતાનો ચહેરો જોઈ ન શકે એવું બને ત્યારે એ અફસોસ આખી જિંદગી રહી જાય છે. વાત છે બે જ મિનિટની અને આ જે બે મિનિટ છે એ દેખીતી રીતે બહુ નાની લાગે છે, પણ જ્યારે એ કોઈ તક હાથમાંથી સરકાવી દે છે ત્યારે એનું પોત બહુ મોટું થઈ જાય છે.


સમય પોતાનું પોત મોટું કરે ત્યારે એની તાકાત સમજવાને બદલે જો એનું પોત પહેલેથી જ વિશાળ છે એ વાતને સમજી લઈએ તો જીવનમાં અનેક તકલીફો અને મુશ્કેલીઓ હલ થઈ જાય. સમયની સાથોસાથ જો નીતિ-નિયમોને પણ એટલી જ સહજતાથી સ્વીકારી લઈએ તો પણ જીવનની ઘણી વિટંબણાઓમાં હળવાશ આવી જાય અને એ હળવાશથી જીવનનો ભાર હળવો થઈ જાય. જે કામ કરવાનું નથી, જે કામની મનાઈ છે એ કામ કરવું જ નથી. જે દિશામાં ચાલવું નથી, જે દિશાને દરેક રીતે ગેરવાજબી ઘોષિત કરવામાં આવી છે એ માર્ગને ક્યારેય પકડવો જ નથી. જે સંગત ગેરવાજબી છે, જે સંગતને ગેરસોબત કહી દેવામાં આવી છે એ સોબતને ક્યારેય સાથે નથી રાખવી. બસ, બહુ સામાન્ય સમજણની આ વાત છે અને એ વાતને સહજ રીતે જીવનમાં અપનાવવાની છે. એક વાત યાદ રાખજો કે મુશ્કેલીઓ ક્યારેય મોટી નથી હોતી, પણ એને મોટી બનાવવાનું કામ વ્યક્તિ કરે છે. પ્રભુને પ્રાર્થના કે એ મોટી બનાવવાની કુબુદ્ધિ સૂઝે નહીં અને સદ્બુદ્ધિ સદા સાથે રહે.

(આ લેખોમાં રજૂ થયેલાં મંતવ્યો લેખકનાં અંગત છે, ન્યુઝપેપરનાં નહીં.


Whatsapp-channel Whatsapp-channel

10 June, 2023 04:48 PM IST | Mumbai | Acharya Rajratnasundersurishwarji Maharaj

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK