સૂર્યવંશીનું થોડું શૂટિંગ કર્યા બાદ એ છોડી દીધી નીના ગુપ્તાએ
નીના ગુપ્તાએ ‘સૂર્યવંશી’ માટે થોડા અઠવાડિયાનું શૂટિંગ કર્યા બાદ ફિલ્મને અધવચ્ચેથી છોડી દીધી છે. રોહિત શેટ્ટીની આ ફિલ્મમાં અક્ષયકુમાર અને કૅટરિના કૈફ લીડ રોલમાં છે. અક્ષયકુમારની મમ્મીનો રોલ નીના ગુપ્તાને આપવામાં આવ્યો હતો. જોકે આ રોલમાં નીના ગુપ્તા ફિટ નથી બેસતી એવું રોહિતને લાગી રહ્યું હતું. રોહિતની સ્થિતિ નીનાનાં ધ્યાનમાં આવતા તેણે આ ફિલ્મમાંથી હટી જવાનું જ પસંદ કર્યું હતું. જોકે તેમની વચ્ચે કોઈ મતભેદ નથી. રોહિત વિશે મસ્તી કરતાં નીનાએ કહ્યું હતું કે રોહિતે વળતરના રૂપમાં તેની આગામી ફિલ્મ માટે મને કામ આપવું પડશે.