પુષ્પા અને જુગલનું પાત્ર ભજવનાર અંશુલ ત્રિવેદી એક સ્પેશ્યલ ડૉક્ટરની શોધમાં હોય છે.
‘પુષ્પા ઇમ્પૉસિબલ’
સોની સબ પર આવતી ‘પુષ્પા ઇમ્પૉસિબલ’માં પુષ્પાનું પાત્ર ભજવતી કરુણા પાન્ડે એક બાળકનો જીવ બચાવવા માટે જમીન-આસમાન એક કરતી જોવા મળશે. પુષ્પા અને જુગલનું પાત્ર ભજવનાર અંશુલ ત્રિવેદી એક સ્પેશ્યલ ડૉક્ટરની શોધમાં હોય છે. આ બાળકના ઑપરેશન માટે ન્યુરોસર્જ્યનની જરૂર હોય છે, જે એક રૅર ટ્યુમરનું ઑપરેશન કરી શકે. પુષ્પા અને જુગલને એ માટે ડૉક્ટર જય કામત મળે છે. એ પાત્ર મેહુલ કજારિયા ભજવી રહ્યો છે. જોકે ડૉક્ટર જયે પ્રૅક્ટિસ છોડી દીધી હતી. ડૉક્ટર જય તેના મેન્ટરની સર્જરી કરતો હોય છે. તેને પણ એ જ ટ્યુમર થયું હોય છે અને એના ઇલાજ માટે પુષ્પા ડૉક્ટરને શોધતી હોય છે. જોકે જય તેના મેન્ટરને બચાવી શક્યો ન હોવાથી પ્રૅક્ટિસ છોડી દે છે. એ માટે પુષ્પા તેને ફરી પ્રૅક્ટિસ શરૂ કરવા માટે મનાવે છે, જેથી બાળકનો જીવ બચાવી શકાય. એમાં તે સફળ રહે છે કે નહીં એ જોવું રહ્યું.
