‘અનુપમા’ હજી પણ આ લિસ્ટમાં આગળ છે : સલમાનનો શો ટૉપ-ફાઇવમાંથી આઉટ
સલમાનનો શો ટૉપ-ફાઇવમાંથી આઉટ
સલમાન ખાનનો વિવાદાસ્પદ રિયલિટી શો ‘બિગ બૉસ 15’ ટીઆરપીની રેસમાંથી બહાર નીકળી ગયો છે. ૪૫મા અઠવાડિયાના ટીઆરપી-લિસ્ટમાં સલમાનના શોનો સમાવેશ ટૉપ-ફાઇવમાં પણ નથી કરવામાં આવ્યો. રૂપાલી ગાંગુલીનો ‘અનુપમા’ આ લિસ્ટમાં ટૉપ પર છે. એ છેલ્લાં ઘણાં અઠવાડિયાંથી પ્રથમ ક્રમે છે. નવા-નવા ટ્વિસ્ટ ઍન્ડ ટર્નને કારણે એ શોએ લોકોને જકડી રાખ્યા છે. નીલ ભટ્ટ, ઐશ્વર્યા શર્મા અને આયેશા સિંહનો ‘ઘૂમ હૈ કિસી કે પ્યાર મેં’ આ લિસ્ટમાં બીજા ક્રમે છે. અંકિત ગુપ્તા, કરણ વી. ગ્રોવર, પ્રિયંકા ચાહર ચૌધરી અને અન્ય ઍક્ટર્સનો શો ‘ઉદારિયાં’ આ લિસ્ટમાં ત્રીજા ક્રમે છે. સુમ્બુલ તૌકીર અને ગશ્મીર મહાજનીનો શો ‘ઇમલી’ને એક વર્ષ થયું હોવા છતાં એ લોકોને ખૂબ ગમી રહ્યો છે અને ટીઆરપીના ચાર્ટમાં એ ચોથા ક્રમે છે. ટૉપ-ફાઇવના આ લિસ્ટમાં ‘યે રિશ્તા ક્યા કહલાતા હૈ’ પાંચમા ક્રમે છે. સલમાન ખાનનો શો ‘બિગ બૉસ’ મોટા ભાગે આ લિસ્ટમાં હોય છે, પરંતુ આ વખતે એ ગાયબ છે. આ શોમાં ઘણી જાણીતી સેલિબ્રિટીઝનો સમાવેશ કરવામાં આવ્યો હોવા છતાં શોને જોઈએ એટલી ટીઆરપી નથી મળી રહ્યા.