પૂજા જોષી અને મલ્હાર ઠાકરનું એક ગીત હાલમાં જ રિલીઝ કરવામાં આવ્યું છે. આ એક આરતી છે.
મલ્હાર ઠાકર અને પૂજા જોષી
પૂજા જોષી અને મલ્હાર ઠાકરનું એક ગીત હાલમાં જ રિલીઝ કરવામાં આવ્યું છે. આ એક આરતી છે. નવરાત્રિ નજીક છે એથી એને રિલીઝ કરવામાં આવ્યું છે. આ આરતીનું નામ ‘જય આદ્યા શક્તિ’ છે. આ આરતી ઉમેશ બારોટ અને સાંતવની ત્રિવેદીએ ગાયું છે. જિગર ચૌહાણ દ્વારા પ્રોડ્યુસ કરવામાં આવેલી આ આરતીને મિલન જોષી દ્વારા ડિરેક્ટ કરવામાં આવી છે. રાહુલ મુંજરિયા દ્વારા મ્યુઝિક પ્રોડક્શન અને અરેન્જમેન્ટ્સ કરવામાં આવ્યું છે. આ વિશે પૂજા જોષીએ કહ્યું કે ‘અમને આ આરતીનું શૂટિંગ કરવાની ખૂબ જ મજા આવી હતી, કારણ કે પ્રોડ્યુસર અને ડિરેક્ટરની સાથે ક્રૂના મેમ્બર પણ અમારા માટે ફૅમિલી જેવા હતા. હું દરેકને ખૂબ જ સારી રીતે ઓળખું છું અને તમારા ઓળખીતા લોકો સાથે કામ કરવાની વધુ મજા આવે છે. અંબા માતાની આ આરતી ખૂબ જ ફેમસ છે અને મને પણ ખૂબ જ પસંદ છે. નવરાત્રિના નવ દિવસે અમે આ આરતી રોજ કરીએ છીએ અને પછી ગરબા રમીએ છીએ. વર્ષોથી અમે એ કરતા આવ્યા છીએ અને જ્યારે આ જ આરતી મને ઑફર થઈ એ માટે હું જિગર ચૌહાણ પ્રોડક્શન્સનો ખૂબ આભાર માનું છું. આ ગીતનું ઓવરઑલ રિઝલ્ટ પણ ખૂબ જ સારું આવ્યું છે. દરેક ખૂબ જ સારા દેખાઈ રહ્યા છે. ઉમેશ બારોટ
અને સાંતવનીએ ખૂબ જ સારી રીતે ગીત ગાયું છે. આ આરતી એકદમ ફ્રેશ લાગી રહી છે અને એ માટે હું દરેકનો આભાર માનું છું.’
