અહેવાલો અનુસાર, કોફી વિથ કરણ શૉના લેટેસ્ટ એપિસોડ પછી પ્રભાસ અને કૃતિના સંબંધોની અફવાઓ શરૂ થઈ ગઈ છે
ફાઇલ તસવીર
પ્રભાસ અને કૃતિ સેનન અભિનીત ફિલ્મ આદિપુરુષ ઘણી ચર્ચામાં છે. બંને પહેલીવાર સાથે સ્ક્રીન શેર કરશે, જેને લઈને ફેન્સ ખૂબ જ ઉત્સાહિત છે. આ દરમિયાન એવા પણ અહેવાલ છે કે કૃતિ અને પ્રભાસ એકબીજાને ડેટ કરી રહ્યા છે. એવી પણ અફવા છે કે આદિપુરુષના શૂટિંગ દરમિયાન બંને વચ્ચે નિકટતા વધી છે.
ડેટિંગની અફવાઓ કોફી વિથ કરણના શૉથી શરૂ થઈ
ADVERTISEMENT
અહેવાલો અનુસાર, કોફી વિથ કરણ શૉના લેટેસ્ટ એપિસોડ પછી પ્રભાસ અને કૃતિના સંબંધોની અફવાઓ શરૂ થઈ ગઈ છે. ખરેખર, તાજેતરમાં જ કૃતિ સેનન કરણ જોહરના ચેટ શૉ `કોફી વિથ કરણ`માં ટાઈગર શ્રોફ સાથે પહોંચી હતી. જ્યારે કોલિંગ સેગમેન્ટની રમત શરૂ થઈ, તે દરમિયાન કૃતિએ પ્રભાસને ફોન કર્યો. અભિનેતાએ તરત જ કૃતિનો ફોન ઉપાડ્યો અને તેની સાથે વાત કરવાનું શરૂ કર્યું. બંનેની આ બોન્ડિંગ જોઈને ચાહકો અનુમાન લગાવવા લાગ્યા કે કૃતિ અને પ્રભાસ એકબીજાને ડેટ કરી રહ્યા છે.
હજુ સુધી આ અફવા અંગે બંને પક્ષ તરફથી કોઈ નિવેદન બહાર આવ્યું નથી. ક્રિતી સેનન અને પ્રભાસ વચ્ચેની વાતચીત પર સોશિયલ મીડિયા પર અનેક ટ્વિટ સામે આવી છે અને ચાહકોની અલગ-અલગ પ્રતિક્રિયાઓ મળી રહી છે.
ઓમ રાઉતની ફિલ્મ આદિપુરુષ મહાકાવ્ય રામાયણની વાર્તા પર આધારિત છે. 500 કરોડના બજેટવાળી આ ફિલ્મ ભારતીય સિનેમાની સૌથી વધુ બજેટવાળી ફિલ્મોની યાદીમાં સામેલ છે. આ ફિલ્મમાં પ્રભાસ રામ અને કૃતિ સેનન સીતાના રોલમાં જોવા મળશે, તેની સાથે સૈફ અલી ખાન લંકેશના રોલમાં જોવા મળશે. આ ફિલ્મ 12 જાન્યુઆરી, 2023ના રોજ હિન્દી, તેલુગુ, તમિલ અને કન્નડ સહિત તમામ ભાષાઓમાં રિલીઝ થશે.