° °

આજનું ઇ-પેપર
Wednesday, 04 August, 2021


લૉકડાઉનમાં બાળકો પર હિંસા વધુ થઈ રહી છે : આયુષ્માન ખુરાના

20 November, 2020 08:11 PM IST | Mumbai | Harsh Desai

લૉકડાઉનમાં બાળકો પર હિંસા વધુ થઈ રહી છે : આયુષ્માન ખુરાના

આયુષ્માન ખુરાના

આયુષ્માન ખુરાના

આયુષ્માન ખુરાનાનું કહેવું છે કે લૉકડાઉનમાં બાળકો પર હિંસાનું પ્રમાણ ખૂબ જ વધ્યું છે. આયુષ્માન સોશ્યલ મેસેજવાળી ફિલ્મો કરવા માટે જાણીતો છે. તે એન્ટરટેઇનમેન્ટની સાથે મેસેજ પણ આપતો હોવાથી યુનિસેફ દ્વારા તેને બાળકો સામેની હિંસાને દૂર કરવાના કૅમ્પેન માટેનો પ્રતિનિધિ બનાવ્યો હતો. આ વિશે વાત કરતાં આયુષ્માને કહ્યું હતું કે ‘આપણને ખબર છે કે કોવિડ-19 કોઈના માટે પણ સરળ નથી. ખાસ કરીને બાળકો માટે, કારણ કે તેઓ વધુ હિંસાનો ભોગ બની રહ્યાં છે. આપણે આપણી આસપાસના લોકોને જાગરૂક કરીને આ હિંસા ઘટાડી શકીએ છીએ. પુરુષ અને છોકરાઓ હોવાથી આપણી જવાબદારી છે કે આપણે સારા વ્યક્તિ બનીએ અને હિંસાનો અંત આણીએ. યુનિસેફના સેલિબ્રિટી ઍડ્વોકેટ હોવાથી પણ હું આ હિંસાનો અંત આણવા માગું છું.’
નૅશનલ ક્રાઇમ રેકૉર્ડ બ્યુરોના 2018ના રેકૉર્ડ મુજબ ઇન્ડિયામાં દર કલાકે પાંચ ચાઇલ્ડ અબ્યુઝના કેસ નોંધાય છે. ધ નૅશનલ ફૅમિલી હેલ્થ સર્વે-4 મુજબ પાંચમાંથી એક ટીનેજ છોકરી ફિઝિકલ વાયલન્સનો શિકાર બને છે. 99 ટકા સ્કૂલનાં બાળકો શિક્ષક દ્વારા મેન્ટલ અને ફિઝિકલ અબ્યુઝનો શિકાર બને છે. આજે વર્લ્ડ ચિલડ્રન્સ ડે છે. આથી એ વિશે વાત કરતાં આયુષ્માને કહ્યું હતું કે ‘હિંસાથી સ્વતંત્રતા મળવી એ બાળકોનો અધિકાર છે. બાળકોના હક પણ એક માનવ અધિકાર છે. હિંસાથી બાળક પર ગંભીર પરિણામ આવી શકે છે અને એ તેમને શારીરિક અને માનસિક રીતે પણ અસર કરી શકે છે. સ્કૂલ, ઘર, રસ્તા પર, ઑનલાઇન અથવા તો કમ્યુનિટીમાં પણ દરરોજ બાળકો હિંસાનો ભોગ બને છે. આ અમીર અને ગરીબ બન્ને ફૅમિલીઝમાં જોવા મળે છે.’

20 November, 2020 08:11 PM IST | Mumbai | Harsh Desai

અન્ય લેખો

બૉલિવૂડ સમાચાર

ગોથમ વીક માટે રીચા ચઢ્ઢાની ‘ગર્લ્સ વિલ બી ગર્લ્સ’ને કરવામાં આવી સિલેક્ટ

આ ઇવેન્ટમાં ફિલ્મ, ટીવી અને ઑડિયો શોના સ્ટોરીટેલર આવે છે. આ ઇવેન્ટનું ૧૯-૨૪ સપ્ટેમ્બરે આયોજન કરવામાં આવશે. આ ઇન્ડો-ફ્રેન્ચ કો-પ્રોડક્શનને પુશીન બર્ટન્સ સ્ટુડિયો, ક્રોવલિંગ એન્ડલ ફિલ્મ્સ અને ડૉલ્ચે વિટા ફિલ્મ્સ દ્વારા પ્રોડ્યુસ કરવામાં આવી રહી છે.

04 August, 2021 10:17 IST | Mumbai | Gujarati Mid-day Correspondent
બૉલિવૂડ સમાચાર

અગાઉના સમયમાં કૉમેડીને ગંભીરતાથી લેવામાં નહોતી આવતી : જૉની લીવર

હવે હું જ્યારે યંગસ્ટર્સને જોઉં છું એમાં મારી દીકરી જેમી લીવર પણ સામેલ છે. મારી દીકરી આખો શો કરે છે. તેને જોઈને મને સકારાત્મક પરિવર્તન આવ્યાનો અહેસાસ થાય છે.’

04 August, 2021 10:13 IST | Mumbai | Gujarati Mid-day Correspondent
બૉલિવૂડ સમાચાર

‘ઍન્ડ્રૉઇડ કુન્જાપ્પન વર્ઝન 5.25’ની હિન્દી રીમેકમાં દેખાશે અનિલ કપૂર?

આ ફિલ્મમાં એક પિતાની વાત છે જેનો બૉન્ડ એક રોબોટ સાથે બની જાય છે. આ પિતાનો દીકરો રશિયામાં જૉબ કરતો હોય છે. તે પિતાની દેખભાળ માટે એક રોબોટ લાવે છે અને પિતાનો રોબોટ સાથે ખૂબ જ સારો બૉન્ડ બની જાય છે.

04 August, 2021 10:05 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK