સની દેઓલના દીકરા કરણ દેઓલનાં લગ્ન ગયા વર્ષે દ્રિશા આચાર્ય સાથે થયાં છે
સની દેઓલના દીકરા કરણ દેઓલનાં લગ્નની તસવીર
સની દેઓલના દીકરા કરણ દેઓલનાં લગ્ન ગયા વર્ષે દ્રિશા આચાર્ય સાથે થયાં છે. વહુનાં શુકનિયાળ પગલાં ઘરમાં પડતાં જ પરિવારમાં ખુશીઓ છવાઈ હોવાનું સની દેઓલનું માનવું છે. તેનું કહેવું છે કે તેના આવતાં જ પરિવારમાં પરિવર્તન આવ્યું છે. એ વિશે સની દેઓલ કહે છે, ‘૨૩ વર્ષ પસાર થયાં અને એ દરમ્યાન ઘણુંબધું થયું હતું. અમે સતત અલગ-અલગ વસ્તુઓ કરી રહ્યા હતા. હું, બૉબી દેઓલ અને પાપા ઘણીબધી વસ્તુઓ કરી રહ્યા હતા. જોકે મારા દીકરાનાં લગ્ન થયાં અને વહુ ઘરે આવી તો કોણ જાણે કેમ બધું જ બદલાઈ ગયું. આ વખતે જે કાંઈ પણ થયું અને અમને જે પ્રકારે લોકોનો પ્રેમ મળ્યો એ બધું અમારા ઘરમાં વહુ આવી એ પહેલાં નહોતું થતું. મારી ‘ગદર 2’ રિલીઝ થઈ એ પહેલાં પાપાની ‘રૉકી ઔર રાની કી પ્રેમ કહાની’ આવી હતી.’