Stolen: વરુણ ધવન, ક્રિતી સૅનન અને રાજકુમાર રાવે અભિષેક બેનર્જીની આગામી ફિલ્મ `સ્ટોલન`ના વખાણ કર્યા; ફિલ્મ ૪ જુને રિલીઝ થશે
અભિષેક બેનર્જીની ફિલ્મનું પોસ્ટર (ડાબે); વરુણ ધવન, ક્રિતી સેનન અને રાજકુમાર રાવે કરી પ્રશંસા
કરણ તેજપાલ (Karan Tejpal)ની રોમાંચક ઇન્વેસ્ટિગેટિવ ક્રાઇમ થ્રિલર ફિલ્મ `સ્ટોલન` (Stolen)ના ટ્રેલરે દર્શકોમાં ભારે ઉત્સાહ અને અપેક્ષાઓ જગાડી છે. ટ્રેલરે માત્ર દર્શકોને જ નહીં, પણ અનેક કલાકારોનું પણ ધ્યાન ખેંચ્યું છે અને તેઓ ફિલ્મ તેમજ અભિનેતાની પ્રશંસા કરી રહ્યા છે. બૉલિવુડ સ્ટાર્સ વરુણ ધવન (Varun Dhawan), રાજકુમાર રાવ (Rajkummar Rao), ક્રિતી સૅનન (Kriti Sanon) જેવા કલાકારોએ ફિલ્મની પ્રશંસા કરતા તેમના સોશ્યલ મીડિયા હેન્ડલ્સ પર ટ્રેલર (Stolen trailer) શેર કર્યું છે, જેના કારણે ચાહકો તેની રિલીઝની આતુરતાથી રાહ જોઈ રહ્યા છે. રસપ્રદ વાર્તા અને સસ્પેન્સફુલ સિક્વન્સ સાથે, ટ્રેલર ૪ જૂને એક રોમાંચક સવારીનું વચન આપે છે.
અભિષેક બેનર્જી (Abhishek Banerjee)ની ફિલ્મ `સ્ટોલન`નું ટ્રેલર પહેલાથી જ આંતરરાષ્ટ્રીય સ્તરે ધૂમ મચાવી ચૂક્યું છે, વેનિસ ફિલ્મ ફેસ્ટિવલ (Venice Film Festival) સહિત અનેક પ્રતિષ્ઠિત ફિલ્મ ફેસ્ટિવલમાં તેને વિવેચકોની પ્રશંસા મળી છે. ફિલ્મની આકર્ષક વાર્તા, વાર્તા કહેવાની શૈલી અને કઠોર વાસ્તવિકતાને વૈશ્વિક પ્રેક્ષકો તરફથી પ્રશંસા મળી છે.
ADVERTISEMENT
અભિષેક બેનર્જીની બહુપ્રતિક્ષિત ફિલ્મ સ્ટોલનનું ટ્રેલર સોશિયલ મીડિયા પર રિલીઝ થતાં જ, દર્શકો અને ફિલ્મ ઉદ્યોગ તરફથી ફિલ્મને ખૂબ પ્રશંસા મળી રહી છે. ફિલ્મમાં અભિષેકના ઊંડા પાત્રને દર્શકો દ્વારા પસંદ કરવામાં આવી રહ્યું છે, જે ફરી એકવાર સાબિત કરે છે કે તે ભારતીય સિનેમાના સૌથી શક્તિશાળી અભિનેતાઓમાંના એક છે.
અભિષેકના ઇન્ડસ્ટ્રીના મિત્રો અને સહ-કલાકારોએ પણ ફિલ્મ માટે પોતાનો ટેકો દર્શાવ્યો છે. ‘ભેડિયા’માં તેમની સાથે કામ કરી ચૂકેલી ક્રિતી સૅનને સોશિયલ મીડિયા પર લખ્યું, "ફિલ્મ અદ્ભુત લાગે છે બેનર્જી સાહેબ. તારા વધુ એક શાનદાર અભિનયની રાહ જોઈ રહી છું." વરુણ ધવને કહ્યું, "તે ખરેખર આ ફિલ્મમાં તમારું હૃદય અને આત્મા રેડી દીધો છે, હવે તે જોવા માટે રાહ જોઈ શકતો નથી." રાજકુમાર રાવે કહ્યું, "શાનદાર ફિલ્મ અને @nowitsabhi દ્વારા શાનદાર અભિનય."
`સ્ટોલન` ફિલ્મનું દિગ્દર્શન કરણ તેજપાલ દ્વારા કરવામાં આવ્યું છે. આ ફિલ્મ એક તીવ્ર અને વિચારપ્રેરક વાર્તા છે જે એક ભયાનક ઘટના પછીની ભાવનાત્મક અને માનસિક સ્થિતિનું નિરૂપણ કરે છે. ફિલ્મનું લેખન તેજપાલ (Tejpal), ગૌરવ ઢીંગરા (Gaurav Dhingra) અને સ્વપ્નિલ સાલકર (Swapnil Salkar)એ કર્યું છે. ફિલ્મને જંગલ બુક સ્ટુડિયો (Jungle Book Studio)નો ટેકો છે અને તેનું નિર્માણ ગૌરવ ઢીંગરા દ્વારા કરવામાં આવ્યું
ફિલ્મને ઉદ્યોગ તરફથી જે પ્રકારનો પ્રેમ મળી રહ્યો છે અને આંતરરાષ્ટ્રીય પ્લેટફોર્મ પર તેની પ્રશંસા થઈ છે તે જોતાં, `સ્ટોલન` અભિષેક બેનર્જીની કારકિર્દીમાં એક વળાંક બનવા જઈ રહી છે અને ભારતીય સિનેમાના દર્શકો માટે પણ તે એક નવો અનુભવ રહેશે. અનુરાગ કશ્યપ (Anurag Kashyap), કિરણ રાવ (Kiran Rao), નિખિલ અડવાણી (Nikkhil Advani) અને વિક્રમાદિત્ય મોટવાણી (Vikramaditya Motwane) જેવા જાણીતા ફિલ્મ નિર્માતાઓ આ ફિલ્મના એક્ઝિક્યુટિવ નિર્માતા છે.
