સોનુ સૂદે આવું કહીને વૃદ્ધ મહિલાની સિન્ગિંગ ટૅલન્ટનો પરિચય આપતો વિડિયો સોશ્યલ મીડિયામાં પોસ્ટ કર્યો છે
વાયરલ વીડિયોમાંથી સ્ક્રીન શૉટ
સોનુ સુદ અવારનવાર પોતાના સોશ્યલ મીડિયાનો ઉપયોગ સામાન્ય નાગરિકો સાથે કમ્યુનિકેશન કરવા માટે તેમ જ તેમની મદદ કરવા માટે કરતો હોય છે. સોમવારે સોનુએ એક વિડિયો પોસ્ટ કર્યો છે જેમાં તે એક વૃદ્ધ મહિલા સાથે બેઠેલો જોવા મળે છે. વિડિયોની શરૂઆતમાં સોનુ કહે છે કે આ મહિલા એક અદ્ભુત ગાયિકા છે. તેણે સોશ્યલ મીડિયામાં જે વિડિયો શૅર કર્યો છે એમાં તે વૃદ્ધ મહિલાને ગીત ગાવાની વિનંતી કરે છે અને એ મહિલા પણ વિનંતીને માન આપીને મરાઠીમાં ગીત ગાતાં જોવા મળે છે.
આ વિડિયોની કૅપ્શનમાં સોનુએ લખ્યું, ‘દરેક વ્યક્તિમાં પ્રતિભા હોય છે. કેટલાક લોકોની પ્રતિભા છુપાયેલી રહે છે તો કેટલાક લોકોની પ્રતિભા છપાઈ જાય છે. અમ્મા તમે અદ્ભુત છો. ગણપતિ બાપ્પા મોરયા.’
ADVERTISEMENT
આ વિડિયો પર યુઝર્સ પણ હકારાત્મક પ્રતિભાવ આપી રહ્યા છે. તેઓ સોનુ સૂદની સાથે-સાથે વૃદ્ધાના સૂર, લય અને અવાજની પણ પ્રશંસા કરી રહ્યા છે.
