બર્થ-ડેના દિવસે ફૅન્સને નવી ફિલ્મની જાહેરાત સાથે આપી અનોખી સરપ્રાઇઝ
સમન્થા રુથ પ્રભુ
સમન્થા રુથ પ્રભુ હવે પ્રોડ્યુસર બની ગઈ છે. તેનો ગઈ કાલે જન્મદિવસ હતો અને તે ૩૭ વર્ષની થઈ ગઈ છે. વરુણ ધવનની સાથે બૉલીવુડની ઘણી સેલિબ્રિટીએ તેને જન્મદિવસની શુભેચ્છા પાઠવી છે. તે હવે વરુણ સાથેની ‘સિટાડેલ’માં તો જોવા મળવાની જ છે, પરંતુ આ સાથે અન્ય ફિલ્મો પર પણ તે કામ કરી રહી છે. તેણે ગઈ કાલે તેની આગામી ફિલ્મ ‘બંગારામ’ની જાહેરાત કરી છે. આ ફિલ્મને તે તેના પ્રોડક્શન હાઉસ ત્રાલાલા મૂવિંગ પિક્ચર્સ હેઠળ પ્રોડ્યુસ કરી રહી છે. પ્રોડ્યુસર તરીકેની તેની આ પહેલી ફિલ્મ છે જેમાં તે લીડ હિરોઇન તરીકે પણ કામ કરી રહી છે. તેના હાથમાં બંદૂક છે અને પોસ્ટરનો કલર રેડ હોવાથી એવું લાગી રહ્યું છે કે આ એક મારધાડવાળી ફિલ્મ હશે. આ ફિલ્મનું નામ હાલમાં ‘બંગારામ’ રાખવામાં આવ્યું છે, પરંતુ બની શકે કે એ ફિલ્મ તૈયાર થયા બાદ એને બદલવામાં આવે.