રોઝલીને તેની ઇન્સ્ટાગ્રામ સ્ટોરીઝ પર એક લાંબો મૅસેજ પોસ્ટ કર્યો. તેમાં, તેણે ‘બૉલિવુડના ઘમંડ’ પર નિશાન સાધ્યું અને બચ્ચનના ગોપનીયતાના અધિકારનો બચાવ કર્યો. તેણે બચ્ચન પ્રત્યેના તેના સમર્થનને ‘આ અઠવાડિયે આપણે જોયેલી સૌથી સમજદાર બાબત ગણાવી હતી.
જયા બચ્ચનને ટેકો આપી કંગના રનૌતની આકરી ટીકા કરી અભિનેત્રી રોઝલીન ખાને
જયા બચ્ચન અને કંગના રનૌત વચ્ચે ચાલી રહેલા વિવાદની ગાથામાં એક નવો વળાંક આવ્યો છે. મોડેલ અને અભિનેત્રી રોઝલીન ખાને પીઢ અભિનેત્રી અને સાંસદ જયા બચ્ચનના સમર્થનમાં આપવા આગળ આવી છે. આ સમર્થન એક વાયરલ વીડિયો પછી આવ્યું છે જેમાં બચ્ચન એક ચાહક સાથે સૅલ્ફી લેવાનો ઇનકાર કરતા જોવા મળ્યા હતા અને તેના પછી તેમની ભારે ટીકા થઈ હતી. રોઝલીને તેની ઇન્સ્ટાગ્રામ સ્ટોરીઝ પર એક લાંબો મૅસેજ પોસ્ટ કર્યો. તેમાં, તેણે ‘બૉલિવુડના ઘમંડ’ પર નિશાન સાધ્યું અને બચ્ચનના ગોપનીયતાના અધિકારનો બચાવ કર્યો. તેણે બચ્ચન પ્રત્યેના તેના સમર્થનને ‘આ અઠવાડિયે આપણે જોયેલી સૌથી સમજદાર બાબત ગણાવી હતી.
રોઝલીને જાય બચ્ચનની થઈ ટીકાનો સીધો જવાબ આપ્યો, ખાસ કરીને હકીકત એ છે કે તેનો ઇનકાર એક સામાન્ય બાબત હતી. તેણે દલીલ કરી હતી કે ‘વરિષ્ઠ, મેનોપોઝલ મહિલા, પીઢ અભિનેત્રી અને સંસદમાં વર્તમાન નેતા’ તરીકે, બચ્ચનને ‘પોતાને અનિચ્છનીય ધ્યાનથી બચાવવાનો અધિકાર છે.’ તેણે એમ પણ ઉમેર્યું કે "સૅલ્ફી લેવાનો ઇનકાર કરવો એ ગુનો નથી, તે સામાન્ય સમજ છે." રોઝલીને કંગના રનૌતના બેવડા ધોરણોની પણ ટીકા કરી અને કહ્યું, "લોકો એક દિવસ `મહિલા સુરક્ષા` માટે રડશે અને બીજા જ દિવસે મહિલાઓ સાથે રેન્ડમ ફોટા ક્લિક કરાવવાની માગ કરશે." જોકે, તેના મૅસેજનો સૌથી કઠોર ભાગ અભિનેત્રી કંગના રનૌત પર નિર્દેશિત હતો. નામ લીધા વિના, રોઝલીને રનૌતને ‘આદર માટે સ્વ-નિયુક્ત ધર્મયુદ્ધવીર’ તરીકે વર્ણવ્યું જે ‘સાડી પહેરેલી મહિલાને ટોણો મારતી હતી.’ આ કંગણની તાજેતરની સોશિયલ મીડિયા પોસ્ટ્સનો પ્રતિભાવ હોય તેવું લાગે છે, કારણ કે તે ઘણીવાર જયા બચ્ચન અને મનોરંજન ઉદ્યોગના અન્ય લોકોની ટીકા કરતી રહી છે.
ADVERTISEMENT
રોઝલીને રનૌતની ટિપ્પણીઓને ‘નિર્ભય સત્ય-કહેવા’ જેવી નહીં પણ ‘મંતવ્ય તરીકે છુપાયેલ મૂળભૂત અનાદર’ કરવા માટે કહ્યું હોય તેવું ગણાવી. રોઝલીએ પોતાની પોસ્ટનો અંત એક સશક્તિકરણ નિવેદન સાથે કર્યો, જેમાં તેણે કહ્યું કે જયા બચ્ચન, જેમણે ‘જાહેર જીવનમાં દાયકાઓ વિતાવ્યા છે,’ તે જાણે છે કે ક્યારે ‘હા’ કહેવું અને ક્યારે ‘ના’ કહેવું. રોઝલીએ લોકોને વિનંતી કરી કે ‘ના’ કહેવું એ એક સંપૂર્ણ વાક્ય છે, ભલે તે કોઈ સેલિબ્રિટી માટે હોય. ઇન્સ્ટાગ્રામ સ્ટોરી તરત જ વાયરલ થઈ ગઈ, ઘણા સોશિયલ મીડિયા વપરાશકર્તાઓએ તેણીની ટિપ્પણીઓ ફરીથી પોસ્ટ કરી અને શેર કરી. તેણે સેલિબ્રિટી ગોપનીયતા, જાહેર અપેક્ષાઓ અને ફિલ્મ ઉદ્યોગમાં ચાલી રહેલા તણાવ પર ચર્ચાઓ ફરી શરૂ કરી.
