૬૭ વર્ષની ઉંમરે અનિલ કપૂર યુવાનોને શરમાવે એવી ફિટનેસ ધરાવે છે
સોનમ કપૂર આહુજા
સોનમ કપૂર આહુજાનું કહેવું છે કે તેના પિતા અનિલ કપૂર ડ્રિન્ક્સ પણ નથી કરતા અને સ્મોક પણ નથી કરતા. ૬૭ વર્ષની ઉંમરે અનિલ કપૂર યુવાનોને શરમાવે એવી ફિટનેસ ધરાવે છે. આજે પણ તેઓ ફિલ્મોમાં ઍક્ટિવ રહે છે અને એક્સરસાઇઝ કરીને પોતાને ફિટ ઍન્ડ ફાઇન રાખે છે. ડૉક્ટર શિવ કે. સરનની બુક ‘ઑન યૉર બૉડી : અ ડૉક્ટર્સ લાઇફ સેવિંગ ટિપ્સ’ના લૉન્ચિંગ વખતે સોનમે તેની ફૅમિલી વિશે વાત કરી હતી. પિતા અને કાકા વિશે જણાવતાં સોનમે કહ્યું કે ‘મારા પિતા હેલ્થની બાબતમાં ખૂબ સ્ટ્રિક્ટ છે. તેઓ ન તો ડ્રિન્ક કરે છે અને ન તો સ્મોક કરે છે. બોની ચાચુને સારી લાઇફ પસાર કરવી ગમે છે. તેમને સ્વાદિષ્ટ ભોજન ગમે છે, તેઓ ક્યારેક ડ્રિન્ક કરે છે. સંજય ચાચુ આ લોકોની વચ્ચે થોડા મૉડરેટ છે. જોકે એ બધા સારા દેખાવવાળા હેલ્ધી પુરુષો છે.’
સાથે જ તેની મમ્મી સુનીતા કપૂરને તે હેલ્થ કૉન્શ્યિસ જણાવે છે. એ વિશે સોનમે કહ્યું કે ‘પ્રામાણિકપણે કહું તો મને યાદ છે કે મારી મમ્મીએ મુંબઈમાં પહેલું પર્સનલ ટ્રેઇનિંગ જિમ શરૂ કર્યું હતું. મારી મમ્મી શરૂઆતથી જ ખૂબ હેલ્ધી રહી છે. તે અતિશય હેલ્થ કૉન્શ્યિસ છે. મારા ડૅડીની જો ક્યારેક કાંઈક ખાવાની ઇચ્છા પણ થાય તો મારી મમ્મી એક ભારતીય પત્ની તરીકે તેમને અટકાવે છે.’