સની લિયોની તેના નવા ગીત `મધુબન મેં રાધિકા નાચે` માટે ચર્ચામાં છે, આ ગીતનો મથુરાના સંતોએ વિરોધ કર્યો છે.
સની લિયોની
સની લિયોની(Sunny Leone) તેના નવા ગીત `મધુબન મેં રાધિકા નાચે` માટે ચર્ચામાં છે. આ ગીત પર લોકોની મિશ્ર પ્રતિક્રિયા જોવા મળી રહી છે. મોટાભાગના લોકો આ ગીતનો વિરોધ કરી રહ્યા છે. સનીએ આ ગીતમાં શાનદાર ડાન્સ મૂવ્સ બતાવ્યાં છે, પરંતુ મથુરામાં તેનો ખાસ વિરોધ થઈ રહ્યો છે. ઉત્તર પ્રદેશના મથુરામાં સંતોએ સની લિયોનીના આ નવા વીડિયો આલ્બમ પર પ્રતિબંધ મૂકવાની માંગ કરી છે.
સંતો કહે છે કે રાધા તેમના માટે પૂજનીય છે. સનીએ ગીત પર અશ્લીલ ડાન્સ કર્યો છે. તે કિસ્સામાં તેના પર પ્રતિબંધ મૂકવો જોઈએ. તેણે ડાન્સને અશ્લીલ ગણાવીને હિંદુઓની ધાર્મિક ભાવનાઓને ઠેસ પહોંચાડવાનો આરોપ લગાવ્યો છે. "જો સરકાર અભિનેત્રી સામે પગલાં નહીં લે અને તેના વિડિયો આલ્બમ પર પ્રતિબંધ ના મૂક્યો, તો અમે કોર્ટનો સંપર્ક કરીશું,"
ADVERTISEMENT
સની લિયોનનું આ ગીત 22 ડિસેમ્બરે રિલીઝ થયું છે. જે બાદ આ ગીત વધુને વધુ વાયરલ થયું, પરંતુ લોકોએ તેને આ વાત પર ટ્રોલ કરવાનું શરૂ કરી દીધું. આ ગીત `મધુબન મેં રાધિકા નાચે રે`ના લિરિક્સ વિશે લોકોનું કહેવું છે કે સની જે રીતે તેમાં ડાન્સ કરી રહી છે અને આ ગીતના લિરિક્સ પ્રમાણે તે ખૂબ જ વાંધાજનક છે, રાધા અમારા માટે પૂજનીય છે. તેનાથી હિંદુઓની ધાર્મિક ભાવનાઓને ઠેસ પહોંચી છે. ત્યારથી લોકો આ ગીતનો બહિષ્કાર કરી રહ્યા છે.
મધુબન એક ડાન્સ ટ્રેક ગીત છે. જેને હિન્દી સિનેમાના પ્રખ્યાત કોરિયોગ્રાફર ગણેશ આચાર્યએ કોરિયોગ્રાફ કર્યું છે. હાલમાં, નિર્માતાઓને અપેક્ષા હતી કે આ વર્ષના અંતમાં, આ ગીત ધૂમ મચાવશે, સાથે સાથે વર્ષ 2022 ની શરૂઆત પણ આ ગીતની ધૂમ સાથે થશે. જોકે, હવે આ ગીત વિવાદોમાં ફસાયું છે.
આ ગીત મોહમ્મદ રફીના 1960માં આવેલી ફિલ્મ `કોહિનૂર`ના ગીત `મધુબન મેં રાધિકા નાચે` પર આધારિત છે. અત્યારે જૂના ગીતને રિમિક્સ કરવામાં આવ્યું છે, જે સની લિયોન પર ચિત્રિત કરવામાં આવ્યું છે.
