અમિતાભ બચ્ચન સાથેની સરખામણીને કારણે સોશ્યલ મીડિયા પર ટીકા થઈ એટલે ફરી સવાલ કર્યો કંગના રનૌતે
અમિતાભ બચ્ચન , કંગના રનૌત
અમિતાભ બચ્ચન સાથેની સરખામણીને કારણે કંગના રનૌતે ટીકાઓનો સામનો કરવો પડી રહ્યો છે. તેણે કહ્યું હતું કે અમિતાભ બચ્ચન બાદ બૉલીવુડમાં સૌથી વધુ સન્માન તેને મળે છે. તેનું આ સ્ટેટમેન્ટ લોકોને પસંદ ન આવ્યું હોવાથી તેની ખૂબ જ ટીકા કરવામાં આવી છે. આ ટીકાઓને કારણે ઇન્સ્ટાસ્ટોરી પર કંગનાએ લખ્યું : ‘મેં ખૂબ જ સ્પષ્ટપણે કહ્યું હતું કે ભારત અને એમાં પણ ખાસ કરીને કેટલાંક રાજ્યોમાં મારા કામને કારણે અને દેશની એક નાગરિક તરીકે મને ખૂબ જ સન્માન આપવામાં આવે છે. મારી ઍક્ટિંગ જ નહીં, મહિલા સશક્તીકરણને લઈને મારા કામને પણ વધાવવામાં આવ્યું છે. મારા સ્ટેટમેન્ટથી જેમને વાંધો છે તેમને એક સવાલ પૂછું છું. જો હું ન હોઉં તો બિગ બી બાદ ભારતમાં હિન્દી ફિલ્મ માટે કોને સૌથી વધુ પ્રેમ અને સન્માન મળે છે? ખાન્સને? કપૂર્સને? કોને? મને પણ જણાવો, જેથી હું મારી ભૂલ સુધારી શકું.’