° °

આજનું ઇ-પેપર
Sunday, 29 January, 2023


‘ઇમર્જન્સી’ માટે બધી પ્રૉપર્ટી ગીરવી મૂકી છે કંગનાએ

22 January, 2023 01:22 PM IST | Mumbai
Gujarati Mid-day Correspondent | feedbackgmd@mid-day.com

આ ફિલ્મને પ્રોડ્યુસ કરવા માટે તેણે તેની પ્રૉપર્ટી સાથે જોખમ લીધું છે

‘ઇમર્જન્સી’ માટે બધી પ્રૉપર્ટી ગીરવી મૂકી છે કંગનાએ

‘ઇમર્જન્સી’ માટે બધી પ્રૉપર્ટી ગીરવી મૂકી છે કંગનાએ

કંગના રનોટે તેની આગામી ફિલ્મ ‘ઇમર્જન્સી’ માટે પોતાની બધી પ્રૉપર્ટી ગીરવી મૂકી છે. આ ફિલ્મને તે ડિરેક્ટ કરવાની સાથે પ્રોડ્યુસ પણ કરી રહી છે. આ ફિલ્મને પ્રોડ્યુસ કરવા માટે તેણે તેની પ્રૉપર્ટી સાથે જોખમ લીધું છે. તેની છેલ્લી કેટલીક ફિલ્મો બૉક્સ-ઑફિસ પર નથી ચાલી. જોકે આ ફિલ્મમાં તે ભૂતપૂર્વ વડા પ્રધાન ઇન્દિરા ગાંધીના રોલમાં દેખાવાની છે. આ ફિલ્મમાં તેની સાથે અનુપમ ખેર, સતીશ કૌશિક, મિલિંદ સોમણ, શ્રેયસ તલપડે અને વિશાક નાયર લીડ રોલમાં દેખાશે. આ ફિલ્મ દેશમાં લાગેલી ઇમર્જન્સી પર આધારિત છે. ફિલ્મનું શૂટિંગ પૂરું કરવામાં આવ્યું છે. સેટ પરનો ફોટો ઇન્સ્ટાગ્રામ પર શૅર કરીને કંગનાએ કૅપ્શન આપી હતી, ‘એક ઍક્ટર તરીકે મેં ‘ઇમર્જન્સી’નું શૂટિંગ પૂરું કર્યું છે. આ મારી લાઇફનો ભવ્ય તબક્કો છે. એવું લાગે છે કે હું એમાંથી આરામદાયક રીતે પસાર થઈ ગઈ છું, પરંતુ વાસ્તવિકતા તો ઘણી દૂર છે. મારી માલિકીની દરેક પ્રૉપર્ટીને ગીરવી મૂકવાથી માંડીને, ફિલ્મના પહેલા શેડ્યુલમાં મને ડેન્ગી થયો હતો અને મારા બ્લડ સેલ કાઉન્ટ્સ ઘટવા માંડ્યા આમ છતાં ફિલ્મ પર કામ કર્યું. એક વ્યક્તિ તરીકે મારા કૅરૅક્ટરની ખૂબ કસોટી થઈ હતી. હું મારી લાગણીઓને લઈને હંમેશાં સોશ્યલ મીડિયા પર મુક્તપણે વાત કરુ છું, પરંતુ મેં આ બધું શૅર નહોતું કર્યું. પ્રામાણિકપણે કહું તો હું નહોતી ઇચ્છતી કે જે લોકો મારી કાળજી લે છે તેઓ ચિંતા કરે. સાથે જ જે લોકો મને નીચી દેખાડવા માગે છે તેમને મારી તકલીફ જાણીને આનંદ મળે એ હું નહોતી ઇચ્છતી. હું બધાને એ કહેવા માગું છું કે તમારાં સપનાં પૂરાં કરવા માટે સખત મહેનત કરો. તમારે પૂરી લગનથી કામ કરવાનું રહેશે. જો તમે લાયક હશો તો પણ તમારી અનેક ઠેકાણે કસોટી કરવામાં આવશે અને તમારે તૂટવાનું નહીં. શક્ય હોય ત્યાં સુધી તમે મહેનત કરતા રહો. જો મહેનત કરતી વખતે તમે તૂટી પણ જાઓ છો તો તમે પોતાને નસીબદાર માનો. એને સેલિબ્રેટ કરો, કેમ કે એ તમારો પુનર્જન્મ રહેશે. મને આ પણ આ મારા નવા જન્મનો એહસાસ થાય છે. મારી અતિશય ટૅલન્ટેડ ટીમનો હું આભાર માનું છું. તા.ક. જે લોકોને મારી પરવા છે તેમને જણાવવા માગું છું કે હું સલામત છું. હું જીવિત ન હોત તો આ બધું તમારી સાથે શૅર ન કરત. ચિંતા ન કરો. મને તમારા આશીર્વાદ અને પ્રેમની જરૂર છે.’

22 January, 2023 01:22 PM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

રાખી સાવંતની માતાનાં નિધન, હૉસ્પિટલમાં લાંબા સમયથી ચાલી રહી હતી કેન્સરની સારવાર

રાખી સાવંતએ અગાઉ ઘણી વખત મીડિયા સામે તેની માતાના સ્વાસ્થ્ય વિશે અપડેટ આપી હતી

28 January, 2023 10:43 IST | Mumbai | Gujarati Mid-day Online Correspondent
બૉલિવૂડ સમાચાર

ત્રીજા દિવસે પણ ‘પઠાણ’એ બોક્સ ઑફિસ પર મચાવી ધૂમ, આટલા કરોડની કરી કમાણી

શાહરૂખ ખાનની ફિલ્મ `પઠાણ` હિન્દી સિનેમા માટે વરદાન બનીને આવી છે. ગયા વર્ષે જે રીતે બોલિવૂડની ઘણી ફિલ્મો ફ્લોપ થઈ હતી. તેનાથી વિપરીત `પઠાણ`એ આ વર્ષની શરૂઆતમાં તેનું શ્રેષ્ઠ પ્રદર્શન હાથ ધર્યુ છે

28 January, 2023 08:35 IST | Mumbai | Gujarati Mid-day Online Correspondent
બૉલિવૂડ સમાચાર

ઑથર હરિન્દર સિક્કાની નૉવેલ પરથી ફિલ્મ બનાવવાના રાઇટ્સ ખરીદ્યા દિનેશ વિજને

પ્રોડ્યુસર દિનેશ વિજને તેના પ્રોડક્શન હાઉસ મૅડોક ફિલ્મ્સના નેજા હેઠળ ઇન્ડિયન નેવી ઑફિસરમાંથી ઑથર બનેલા હરિન્દર સિક્કાની નૉવેલ ‘વિછોડા : ઇન ધ શૅડો ઑફ લૉન્ગિંગ’ પરથી ફિલ્મ બનાવવાના રાઇટ્સ ખરીદી લીધા છે.

28 January, 2023 03:01 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK