‘કિંગ’માં શાહરુખ દીકરી સુહાના ખાન સાથે પહેલી વાર મોટા પડદે જોવા મળશે.
શાહરુખ ખાન, જયદીપ અહલાવત
શાહરુખ ખાનની આગામી ફિલ્મ ‘કિંગ’માં જયદીપ અહલાવતની એન્ટ્રી કન્ફર્મ થઈ છે. હાલમાં એક ઇન્ટરવ્યુમાં જયદીપે ખુલાસો કર્યો કે શાહરુખે તેને ફોન કરીને આ ફિલ્મની ઑફર આપી હતી. તેણે જણાવ્યું કે શાહરુખ લાંબા સમયથી તેને કાસ્ટ કરવાનું વિચારી રહ્યો હતો, પરંતુ આ રોલ નાનો હોવાથી ડિરેક્ટર સિદ્ધાર્થ આનંદ આ ઑફર કરવા માટે ખચકાટ અનુભવી રહ્યા હતા. આખરે શાહરુખના એક ફોન-કૉલે વાત પાકી કરી દીધી. આ રીતે જયદીપ હવે ‘કિંગ’માં મહત્ત્વની ભૂમિકા ભજવશે.
‘કિંગ’માં શાહરુખ દીકરી સુહાના ખાન સાથે પહેલી વાર મોટા પડદે જોવા મળશે. આ એક ઍક્શન-થ્રિલર ફિલ્મ છે, જેમાં શાહરુખ એક શક્તિશાળી ડૉનની ભૂમિકામાં છે. ફિલ્મનું ડિરેક્શન સિદ્ધાર્થ આનંદ કરી રહ્યા છે અને એ ૨૦૨૬માં રિલીઝ કરવાનું પ્લાનિંગ છે.
