મની લોન્ડરિંગ કેસમાં ધરપકડ કરાયેલા સુકેશ ચંદ્રશેખર સાથે અભિનેત્રી જેકલીન ફર્નાન્ડીઝની તસવીર વાયરલ થઈ છે.
જેકલીન ફર્નાન્ડીઝ
મની લોન્ડરિંગ કેસ મામલે અનેક વાર અભિનેત્રી જેકલીન ફર્નાન્ડીઝની પૂછપરછ કરવામાં આવી છે. આ કડીમાં હવે મની લોન્ડરિંગ કેસમાં ધરપકડ કરાયેલા સુકેશ ચંદ્રશેખર સાથે અભિનેત્રી જેકલીન ફર્નાન્ડીઝ (jacqueline fernandez)ની તસવીર વાયરલ થઈ છે. જેની તપાસ એજન્સીઓને મળી છે, જે અભિનેત્રી અને સુકેશની નિકટતાનો સંકેત આપી રહી છે. આ તસવીરોમાં બંને એકબીજાની ખૂબ જ નજીક દેખાઈ રહ્યા છે.
તપાસ એજન્સીઓ અનુસાર આ તસવીરો ત્યારે લેવામાં આવી હતી જ્યારે સુકેશ તિહાર જેલમાંથી દોઢ મહિનાના પેરોલ પર ચેન્નાઈ ગયો હતો. સુકેશ પ્લેન દ્વારા ચેન્નાઈ પહોંચ્યો હતો અને કહેવામાં આવી રહ્યું છે કે તે ત્યાં ત્રણ વખત જેકલીનને મળ્યો હતો.
ADVERTISEMENT
Was Jacqueline Fernandez dating conman Sukesh Chandrasekhar? New photo reignites controversy https://t.co/nmGCmN79lY pic.twitter.com/AtW7aI9TvY
— Online Dating (@HiiiFren) November 26, 2021
તપાસ એજન્સીઓ અનુસાર, સુકેશે જેકલીનને મોંઘી ગિફ્ટ અને વાહન આપ્યા હતા. સુકેશે જેકલીનને ચેન્નાઈની મોટી બિઝનેસમેન ગણાવી હતી. એવા આરોપો હતા કે સુકેશે જેકલીનને કરોડોની ગિફ્ટ આપી હતી અને આ કારણોસર EDએ અભિનેત્રીની ઘણી વખત પૂછપરછ કરી છે.
સુકેશના કેસમાં ED ખૂબ જ જલ્દી કોર્ટમાં ચાર્જશીટ કરવા જઈ રહી છે, જેમાં સુકેશના અભિનેત્રીઓ સાથેના કનેક્શનનો સંપૂર્ણ ખુલાસો કરવામાં આવશે. જેકલીન ફર્નાન્ડીઝ ઉપરાંત EDએ આ કેસમાં અભિનેત્રી નોરા ફતેહીની પણ પૂછપરછ કરી છે.
