આ નવા પ્રોજેક્ટની વાર્તા અને લેખનમાં નિધિ દત્તા પોતે પણ જોડાયેલી છે
સની દેઓલની ફાઇલ તસવીર
સની દેઓલ અને વરુણ ધવનને લીડ રોલમાં ચમકાવતી ‘બૉર્ડર 2’એ વિશ્વભરમાં આશરે ૪૫૦ કરોડ રૂપિયાની જોરદાર કમાણી કરી છે. આ ફિલ્મની સફળતાને પગલે પ્રોડ્યુસર નિધિ દત્તાએ હવે સની દેઓલને ખાસ રોલમાં લઈને ‘બૉર્ડર 3’ બનાવવાનું પ્લાનિંગ શરૂ કરી દીધું છે. આ ફિલ્મમાં પણ અગાઉની ફિલ્મોની જેમ સનીનો રોલ દેશભક્તિના રંગે રંગાયેલો હશે.
રિપોર્ટ પ્રમાણે ‘બૉર્ડર 3’નું નિર્માણ બહુ મોટા પાયે કરવામાં આવશે અને એના કેન્દ્રમાં ભારતીય વાયુસેનાના જાંબાઝો હશે. આ નવા પ્રોજેક્ટની વાર્તા અને લેખનમાં નિધિ દત્તા પોતે પણ જોડાયેલી છે. ફિલ્મનું શૂટિંગ દેશના વિવિધ વિસ્તારોમાં થશે. મળતી માહિતી પ્રમાણે ‘બૉર્ડર 3’ના સત્તાવાર કાસ્ટિંગની જાહેરાત આગામી કેટલાક મહિનાઓમાં કરવામાં આવશે.
