આ ફિલ્મને ગોવામાં ગઈ કાલથી શરૂ થયેલા ઇન્ટરનૅશનલ ફિલ્મ ફેસ્ટિવલ ઑફ ઇન્ડિયામાં દેખાડવામાં આવશે. ફિલ્મને સ્વર્ણજિત સિંહે પ્રોડ્યુસ કરી છે અને સંજીવન લાલે ડિરેક્ટ કરી છે.
બમન ઈરાની
બમન ઈરાનીનું કહેવું છે કે ડૉક્યુમેન્ટરી ફિલ્મ ‘1947 : બ્રેક્ઝિટ ઇન્ડિયા’માં લોકો સાથે થયેલી ઘટનાઓ પર પ્રકાશ પાડવામાં આવ્યો છે. સાથે જ આપણા દેશ સાથે જોડાયેલી ઇતિહાસની અગત્યની ઘટનાઓને દેખાડવામાં આવી છે. આ ફિલ્મને ગોવામાં ગઈ કાલથી શરૂ થયેલા ઇન્ટરનૅશનલ ફિલ્મ ફેસ્ટિવલ ઑફ ઇન્ડિયામાં દેખાડવામાં આવશે. ફિલ્મને સ્વર્ણજિત સિંહે પ્રોડ્યુસ કરી છે અને સંજીવન લાલે ડિરેક્ટ કરી છે. આ ફિલ્મમાં પૉલિટિશ્યન શશી થરૂર, વિલિયમ ડૅલરિમ્પલ, ઇશ્તિયાક અહમદ, ઉદય ભાસ્કર, પ્રોફેસર એમ. રાજીવલોચન, ઍલિસ્ટર હિન્ડ્સ, પ્રોફેસર ટોમ ટોમલિન્સન, ડેવિડ ઓમિસી અને ગુરહરપાલ સિંહ લીડ રોલમાં દેખાશે. આ ફિલ્મ વિશે બમન ઈરાનીએ કહ્યું કે ‘એક નરેટર તરીકે ઇતિહાસને વર્ણવતા લોકોને સ્ટોરી સાથે જોડી રાખવાની જે ચૅલેન્જ છે એને હું સ્વીકારું છું. આ માત્ર એ ઘટનાઓનું પુનરાવર્તન નથી, પરંતુ લોકો સાથે થયેલી ઘટનાઓનો ચિતાર અને ઇતિહાસની મહત્ત્વની ક્ષણો છે. આ પ્રોજેક્ટ પર્સનલ મિશન બની ગયો છે. એવી અનેક સ્ટોરી કહેવામાં આવશે જેના પર આજ સુધી પડદો પડેલો છે. આખી ટીમે પૂરા સમર્પણ અને યોગદાન સાથે જે ફિલ્મ બનાવી છે એ લોકોને ભારતની આઝાદી તરફની જર્ની વિશે માહિતી આપશે.’
