સિંગર જુબિન નૌટિયાલ (Jubin Nautiyal)ગુરુવારે પોતાના ઘરની સીડી પરથી પડી ગયા હતા.
જુબિન નૌટિયાલ
સિંગર જુબિન નૌટિયાલ (Jubin Nautiyal)ગુરુવારે પોતાના ઘરની સીડી પરથી પડી ગયા હતા. તેમની કોણી તૂટી ગઈ છે અને પાંસળીમાં ઈજા થઈ છે. આ સિવાય ગાયકને માથા અને કપાળ પર પણ ઈજાઓ થઈ છે. સિંગરને મુંબઈની હોસ્પિટલ (Mumbai Hospital)માં દાખલ કરવામાં આવ્યા છે. આ અકસ્માત બાદ તેના જમણા હાથનું ઓપરેશન કરવામાં આવશે. ડૉક્ટરે તેમને જમણા હાથનો ઉપયોગ ન કરવાની સલાહ આપી છે.
તાજેતરમાં જ જુબિન નૌટિયાલનું ગીત `તુ સામને આયે` રિલીઝ થયું હતું. આ ગીત ગાયકે યોહાની સાથે ગાયું હતું. નોંધનીય છે કે ગુરુવારે ગીતના લોન્ચિંગ સમયે નૌટિયાલ અને યોહાની સાથે જોવા મળ્યા હતા. આ પછી જ તેને ઈજા થઈ. સિંગર જુબીન નૌટિયાલે પોતાના ગીતોના આધારે ઈન્ડસ્ટ્રીમાં પોતાનું ખાસ સ્થાન બનાવ્યું છે. તેના ગીતો ચાહકોને ખૂબ જ પસંદ આવે છે. ચાહકો પણ ગાયકના ઝડપથી સ્વસ્થ થવાની પ્રાર્થના કરી રહ્યા છે.
