આ ફિલ્મના હૃતિક રોશન અને જુનિયર NTRના ડાન્સ ફેસ-આૅફ પર દરેકની નજર
‘વૉર 2’
૧૪ ઑગસ્ટે હૃતિક રોશનની ‘વૉર 2’ અને રજનીકાન્તની ‘કૂલી’ એક જ દિવસે રિલીઝ થશે. આ ટક્કરમાં ‘વૉર 2’ને સફળતા મળે એ માટે ફિલ્મના પ્રોડ્યુસર આદિત્ય ચોપડાએ માસ્ટરપ્લાન બનાવ્યો છે. આદિત્યએ આ પહેલાં પણ આ સ્ટ્રૅટેજી અપનાવી છે જેને સફળતા મળી છે. ફિલ્મ ‘વૉર 2’માં હૃતિક રોશન અને જુનિયર NTRની ટક્કર જોવા મળશે. આ હીરો-વિલનની લડાઈ માત્ર ઍક્શન સુધી સીમિત નથી, પરંતુ બન્ને વચ્ચે એક ડાન્સ ફેસ-ઑફ પણ હશે. આ ડાન્સ માટે લોકોમાં ખૂબ ઉત્સાહ છે અને આ ગીતનો ફર્સ્ટ લુક આ અઠવાડિયે રિલીઝ થશે.
હૃતિક રોશન અને જુનિયર NTRના ડાન્સ ફેસ-ઑફ પર દરેકની નજર છે અને લોકોમાં ઉત્સુકતાની લાગણી જોવા મળે છે. આદિત્ય ચોપડા આ બઝને વધારવા માગે છે અને એટલે જ તેઓ આ ગીતને પહેલાં રિલીઝ નહીં કરે, જેથી લોકો થિયેટરમાં આવે. તેમણે એવો પ્લાન બનાવ્યો છે કે આ ગીત લોકોને ફિલ્મ જોવા માટે મજબૂર કરશે. આ આદિત્ય ચોપડાની સ્ટ્રૅટેજી છે જે તેમણે અગાઉ ‘ધૂમ 3’ અને ‘બન્ટી ઔર બબલી’ માટે પણ અપનાવી હતી.
ADVERTISEMENT
‘ધૂમ 3’નાં તમામ ગીતો સીધાં જ ફિલ્મમાં બતાવવામાં આવ્યાં હતાં અને કૅટરિના કૈફના ‘કમલી’ ગીતને ખૂબ પ્રેમ મળ્યો હતો. એ જ રીતે ‘બન્ટી ઔર બબલી’નું ‘કજરા રે’ ગીત થિયેટરમાં જોઈને લોકો ખુશ થયા હતા અને અમિતાભ બચ્ચન, ઐશ્વર્યા રાય તથા અભિષેક બચ્ચનના ડાન્સની ભારે પ્રશંસા થઈ હતી.
