એકલા દિલ્હીએ લગભગ ૮૦૦૦ કરોડ રૂપિયાનું યોગદાન આપ્યું છે
ટૂંક સમયમાં જ મમ્મી બનનારી બૉલીવુડ ઍક્ટ્રેસ પરિણીતિ ચોપડાએ પતિ રાઘવ ચઢ્ઢા સાથે કરવા ચૌથ ઊજવી હતી. આરતીના દીવાનો પ્રકાશ પરિણીતિના પ્રેગ્નન્સી ગ્લોમાં વધારો કરતો હતો. સોશ્યલ મીડિયા પર પોસ્ટ થયેલા પરિણીતિ અને રાઘવનાં પિક્સને અનેક લોકોએ લાઇક કરી હતી અને આ ક્યુટ કપલને શુભેચ્છા પણ પાઠવી હતી.
પતિ-પત્નીના પવિત્ર બંધનનું પ્રતીક સમું કરવા ચૌથનું નિર્જળા વ્રત ઉત્સાહપૂર્વક ઊજવાયું. કરવા ચૌથ નિમિત્તે દેશભરમાં ૨૮,૦૦૦ કરોડ રૂપિયાનો વ્યવસાય થયો હોવાનો અંદાજ છે જેમાં એકલા દિલ્હીએ લગભગ ૮૦૦૦ કરોડ રૂપિયાનું યોગદાન આપ્યું છે એમ વેપાર સંગઠન કૉન્ફેડરેશન ઑફ ઑલ ઇન્ડિયા ટ્રેડર્સના રિપોર્ટમાં જણાવાયું હતું. ગયા વર્ષે કરવા ચૌથ પર કુલ વેપાર આશરે ૨૨,૦૦૦ કરોડ રૂપિયાનો રહ્યો હતો, જ્યારે ૨૦૨૩માં એ આંકડો લગભગ ૧૫,૦૦૦ કરોડ રૂપિયાનો હતો.
