જાડેજાનો કટકમાં ટ્રિપલ ધડાકો
ઓડિસા સામેની ચાર દિવસની આ મૅચમાં ગઈ કાલે બીજા દિવસે પણ તેણે મેદાનની ચારે બાજુ શૉટ ફટકાર્યા હતા અને દરેક બોલરની ઍનેલિસિસ બગાડી નાખી હતી. તે ૧૦ કલાક સુધી ક્રીઝ પર હતો.
ADVERTISEMENT
અણનમ ૨૩૨ રન જાડેજાનો આ પહેલાં ફસ્ર્ટ ક્લાસ ક્રિકેટનો હાઇએસ્ટ સ્કોર હતો. ગઈ કાલે તેને બાદ કરતા બાકીના ૧૦ બૅટ્સમેનોમાંથી એકમાત્ર ભૂષણ ચૌહાણ (૮૩)ની હાફ સેન્ચુરી હતી. જાડેજાએ એકલા હાથે ટીમના ટોટલને ૫૦૦ના આંકડાને પાર કરાવ્યો હતો. સૌરાષ્ટ્ર ૫૪૫ રને ઑલઆઉટ થયું ત્યાર બાદ ઓડિસાના વિના વિકેટે ૫૧ રન હતા. જાડેજા અને બીજા સ્પિનર કમલેશ મકવાણાની કુલ ચાર ઓવરમાં માત્ર એક રન બન્યો હતો.