ભૂતપૂર્વ ​ભારતીય ખેલાડીએ સ્ટોક્સ સાથે કરી સર જાડેજાની સરખામણી

Published: 1st January, 2021 12:25 IST | Agency | New Delhi

દીપ દાસગુપ્તાએ કહ્યું કે જાડેજા પોતાની વિકેટની કિંમત સમજતો થયો અને બૅટિંગમાં આણેલા સુધારાને લીધે તેને આઉટ કરવો હવે ખૂબ મુશ્કેલ થઈ પડે છે

રવીન્દ્ર જાડેજા
રવીન્દ્ર જાડેજા

ઇન્ડિયન ટીમના ઑલરાઉન્ડર રવીન્દ્ર જાડેજાએ ટીમને બીજી ટેસ્ટ મૅચ જિતાડવા માટે અગત્યની ભૂમિકા ભજવી હતી. ઇન્ડિયન ક્રિકેટ ટીમના ભૂતપૂર્વ વિકેટકીપર-બૅટ્સમૅન દીપ દાસગુપ્તાએ જાડેજનાં વખાણ કરતાં તેની સરખામણી ઇંગ્લૅન્ડના ઑલરાઉન્ડર બેન સ્ટોક્સ સાથે કરી છે અને બન્ને પ્લેયરોને એક જ શ્રેણીના ગણાવ્યા છે.

દીપ દાસગુપ્તાએ કહ્યું કે ‘અત્યાર સુધી તેણે જે બૅટિંગ કરી છે એ ખરેખર તેને બેન સ્ટોક્સની શ્રેણીમાં સ્થાન અપાવે છે. આઇપીએલ દરમ્યાન મેં કહ્યું હતું કે ચેન્નઈ માટે શા માટે તે ચોથા નંબરે આવીને બૅટિંગ નથી કરતો. સ્થાનિક ક્રિકેટમાં તેણે અનેક વાર ટ્રિપલ સેન્ચુરી બનાવી છે, જે સરળ નથી. સૌરાષ્ટ્ર માટે તે ચોથા નંબરે આવીને બૅટિંગ કરે છે અને ટીમ ઇન્ડિયા માટે સાતમા અને આઠમા ક્રમે. ઘણી વાર તો મને લાગે છે કે તે પોતાની બૅટિંગને ગંભીરતાથી નથી લઈ રહ્યો. ૨૦૧૭માં જ્યારે તેને ડ્રૉપ કરવામાં આવ્યો હતો ત્યારે તેણે ટીમને સંકેત આપ્યો હતો કે તે પોતાને ટીમ માટે માત્ર બૅટિંગમાં જ નહીં, બોલિંગમાં પણ ઉપયોગી બનાવી શકે છે. તેણે હંમેશાં બૅટિંગથી પોતાની સ્કિલ દર્શાવી છે, પણ ખરાબ શૉટ રમીને તે આઉટ થઈ જતો હતો. હવે તે પોતાની વિકેટની કિંમત સમજે છે અને એક બૅટ્સમૅનની જેમ વિચારીને આગળ વધે છે. છેલ્લાં કેટલાંક વર્ષોમાં તેની બૅટિંગમાં આવેલા સુધારાને લીધે તેને આઉટ કરવો મુશ્કેલ થઈ પડે છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK