તાજેતરમાં ઑસ્ટ્રેલિયાનો બૅટર મૅટ રેન્શો કોવિડ-પૉઝિટિવ હોવા છતાં સાઉથ આફ્રિકા સામેની ટેસ્ટમાં રમ્યો હતો
પ્રતીકાત્મક તસવીર (સૌજન્ય આઇસ્ટૉક)
૧૬ જાન્યુઆરીએ મેલબર્નમાં શરૂ થનારી વર્ષની પ્રથમ ગ્રૅન્ડ સ્લૅમ ટેનિસ સ્પર્ધા ઑસ્ટ્રેલિયન ઓપન માટે આયોજકોએ નિયમ બનાવ્યો છે, જેમાં ખેલાડીઓએ કોવિડ-ટેસ્ટ નહીં કરાવવી પડે. બીજી રીતે કહીએ તો કોઈ પ્લેયર કોવિડ-પૉઝિટિવ હોય છતાં આ સ્પર્ધામાં રમી શકશે.
ટુર્નામેન્ટના ડિરેક્ટર ક્રેગ ટિલેએ એક વેબસાઇટને કહ્યું હતું કે ‘અમે તમામ ખેલાડીઓને તેમ જ અમારા ૧૨,૦૦૦ સ્ટાફ-મેમ્બર્સને કહી દીધું છે કે જો તમારી તબિયત સારી ન હોય તો ઘરમાં જ રહેજો. જોકે અમારો નિયમ ક્રિકેટથી અલગ નથી. તાજેતરમાં ઑસ્ટ્રેલિયાનો બૅટર મૅટ રેન્શો કોવિડ-પૉઝિટિવ હોવા છતાં સાઉથ આફ્રિકા સામેની ટેસ્ટમાં રમ્યો હતો. અમારી ટુર્નામેન્ટમાં પણ ખેલાડીઓ કોવિડ-પૉઝિટિવ હોવા છતાં રમી શકશે. હા, તબિયત સારી ન હોય તો તેમણે બહાર જ ન નીકળવું એવું અમે તેમને કહ્યું છે.’
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)