હું પણ ૯૦ મીટર કરતાં વધારે દૂર ભાલો ફેંકવા માગું છું: નીરજ
હરીફોએ ૯૦ મીટર દૂર ભાલો ફેંક્યા છતાં પરેશાન નથી નીરજ
ટોક્યો ઑલિમ્પિકમાં ગોલ્ડ મેડલ જીતનાર ભારતીય ભાલાફેંક ખેલાડી નીરજ ચોપડા પોતાના હરીફોએ આ વર્ષની શરૂઆતમાં ૯૦ મીટર કરતાં વધુ દૂર ભાલો ફેંક્યા છતાં પરેશાન નથી. તે પોતે પણ ૯૦ મીટર ભાલો ફેંકશે એવો તેને વિશ્વાસ છે. ૧૩ મેએ દોહામાં યોજાયેલી ડાયમન્ડ લીગમાં વર્લ્ડ ચૅમ્પિયન ગ્રેનેડાના ઍન્ડરસન પીટર્સ અને ટોક્યોમાં સિલ્વર મેડલ જીતનાર જૅકબે વેડલેચે અનુક્રમે ૯૩.૦૭ મીટર અને ૯૦.૮૮ મીટર ભાલો ફેંક્યો હતો.
નીરજે કહ્યું કે ‘કોઈએ કેટલો દૂર ભાલો ફેંક્યો છે એની હું ચિંતા કરતો નથી. તેમણે ઘણી મહેનત કરી હશે. હું પણ ૯૦ મીટર કરતાં વધારે દૂર ભાલો ફેંકવા માગું છું.’