Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > ટેબલ ટેનિસમાં જશ મોદી નંબર-વન પાયસને લડત આપીને હાર્યો, સતત બીજો સિલ્વર જીત્યો

ટેબલ ટેનિસમાં જશ મોદી નંબર-વન પાયસને લડત આપીને હાર્યો, સતત બીજો સિલ્વર જીત્યો

24 January, 2023 12:47 PM IST | New Delhi
Gujarati Mid-day Correspondent | feedbackgmd@mid-day.com

ફાઇનલમાં જશ મોદી સામે ભારતનો નંબર-વન અને ભૂતપૂર્વ વર્લ્ડ જુનિયર નંબર-વન પાયસ જૈન હતો અને બન્ને વચ્ચે ખૂબ રસાકસી થઈ હતી.

જશ અમિત મોદી

જશ અમિત મોદી


મુંબઈનો ટેબલ ટેનિસ સ્ટાર જશ અમિત મોદી બે અઠવાડિયાંમાં બે સિલ્વર મેડલ જીત્યો છે. ગયા અઠવાડિયે વડોદરાની નૅશનલ રૅન્કિંગ ટી. ટી. ટુર્નામેન્ટમાં જશ મોદીએ ક્વૉર્ટર ફાઇનલમાં ભારતના નંબર-ટૂ અંકુર ભટ્ટાચાર્યને ૫-૧૧, ૧૧-૮, ૧૧-૫, ૧૧-૩, ૧૧-૮થી હરાવ્યા પછી સેમી ફાઇનલમાં દિલ્હીના પ્રિય અનુજને ૪-૧૧, ૧૨-૧૦, ૯-૧૧, ૧૧-૯, ૧૪-૧૨, ૧૧-૯થી હરાવ્યો હતો અને ફાઇનલમાં પ્રવેશ કર્યો હતો. ફાઇનલમાં જશ મોદી સામે ભારતનો નંબર-વન અને ભૂતપૂર્વ વર્લ્ડ જુનિયર નંબર-વન પાયસ જૈન હતો અને બન્ને વચ્ચે ખૂબ રસાકસી થઈ હતી. બન્નેએ ૩-૩ ગેમ જીતી લીધા બાદ સાતમી ગેમમાં સ્કોર ૧૦-૧૦થી બરાબરીમાં રહ્યા પછી એક ફૉલ્ટ સર્વિસને લીધે જશનો પરાજય થયો હતો અને ત્યારે ફાઇનલ સ્કોર ૧૧-૮, ૯-૧૧, ૮-૧૧, ૧૧-૯, ૫-૧૧, ૧૧-૮, ૧૧-૧૩ હતો.

૧૭ વર્ષનો જશ મોદી રનર-અપ રહીને સિલ્વર મેડલ જીત્યો હતો. તેણે આ સ્પર્ધામાં પોતાનાથી ચડિયાતા ક્રમના બે પ્લેયરને હરાવ્યા હતા. જશની અન્ડર-19 બૉય્‍સમાં સાતમો નૅશનલ રૅન્ક છે.
અગાઉના અઠવાડિયે ચંડીગઢમાં ચંડીગઢ યુનિવર્સિટી વતી રમીને ઑલ ઇન્ડિયા યુનિવર્સિટી મેન્સ ચૅમ્પિયનશિપમાં પણ તે સિલ્વર મેડલ જીત્યો હતો.


Whatsapp-channel Whatsapp-channel

24 January, 2023 12:47 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK