રિયલ મૅડ્રિડે આ મૅચ ૨-૦થી જીતી લીધી હતી
LA LIGA
વિનિયસ જુનિયર
સ્પેનની લા લીગા લીગમાં રવિવારે રિયલ મૅડ્રિડનો બ્રાઝિલિયન અશ્વેત ખેલાડી વિનિયસ જુનિયર મેદાન પર આવ્યો કે તરત હરીફ ટીમ ઍટ્લેટિકો મૅડ્રિડ તરફી પ્રેક્ષકોના એક જૂથે રંગભેદલક્ષી ગીતો ગાઈને વાતાવરણ તંગ કરી નાખ્યું હતું. રિયલ મૅડ્રિડે આ મૅચ ૨-૦થી જીતી લીધી હતી. તાજેતરની એક મૅચ દરમ્યાન વિનિયસે એક ગોલ કર્યા પછી નાચીને જે સેલિબ્રેશન કર્યું એના પર સ્પેનમાં કેટલાક ફુટબૉલ નિષ્ણાતોએ વિનિયસ વિશે અસભ્ય કમેન્ટ કરી હતી. રવિવારે લા લીગાના સત્તાવાળાઓએ પછીથી કહ્યું હતું કે ‘સ્ટેડિયમમાં કે સ્ટેડિયમની બહારના આવા કોઈ પણ બનાવને અમે કડક શબ્દોમાં વખોડીએ છીએ. અમે તમામ ફુટબૉલ ક્લબો સાથે સતત સંપર્કમાં રહીએ છીએ અને ફુટબૉલની રમતને મૈત્રીપૂર્ણ અને કોઈ પણ પ્રકારના વિવાદ વિનાની રાખવાનો પ્રયત્ન કરીએ છીએ. લા લીગમાં હેટ સ્પીચને કોઈ સ્થાન નથી.’