° °

આજનું ઇ-પેપર
Saturday, 03 December, 2022


એમ્બોલોનો ગોલ તેની જન્મભૂમિ કૅમરૂનની હાર માટે નિમિત્ત બન્યો

25 November, 2022 11:13 AM IST | Doha
Gujarati Mid-day Correspondent | feedbackgmd@mid-day.com

૪૮મી મિનિટે થયેલો મૅચનો આ એકમાત્ર ગોલ સ્વિસ ખેલાડી બ્રીલ એમ્બોલોએ કર્યો હતો

ગઈ કાલે ગોલ કર્યા પછી સ્વિટ્ઝરલૅન્ડનો બ્રીલ એમ્બોલો (જમણે). તસવીર એ.એફ.પી. FIFA World Cup

ગઈ કાલે ગોલ કર્યા પછી સ્વિટ્ઝરલૅન્ડનો બ્રીલ એમ્બોલો (જમણે). તસવીર એ.એફ.પી.

ફિફા વર્લ્ડ કપમાં ગ્રુપ ‘જી’ના ગઈ કાલે પહેલા જ મુકાબલામાં સ્વિટ્ઝરલૅન્ડે કૅમરૂનને ૧-૦થી હરાવીને ત્રણ પૉઇન્ટ મેળવી લીધા હતા. ૪૮મી મિનિટે થયેલો મૅચનો આ એકમાત્ર ગોલ સ્વિસ ખેલાડી બ્રીલ એમ્બોલોએ કર્યો હતો. નવાઈની વાત એ છે કે એમ્બોલોનો જન્મ કૅમરૂનમાં થયો હતો, પરંતુ તેનો ઉછેર સ્વિટ્ઝરલૅન્ડના બાઝલ શહેરમાં થયો હતો. તે છ વર્ષનો હતો ત્યારે પરિવાર સાથે બાઝલ રહેવા આવ્યો હતો અને ૨૦૧૪માં નાગરિકત્વ મળ્યા પછી ત્યાં જ ફુટબૉલ રમવાનું શીખ્યો હતો.

એમ્બોલોના દિલોદિમાગમાં આ વિજયી ગોલ બદલ ઘણો આનંદ થયો હતો, પરંતુ એ ગોલ તેની જન્મભૂમિના જ ખેલાડીઓ સામે થયો હોવાથી તેણે મોટા પાયે સેલિબ્રેશન કરવાનું ટાળ્યું હતું. બીબીસી સ્પોર્ટના અહેવાલ મુજબ એમ્બોલો ૧૮ વર્ષનો હતો ત્યારે તેણે એમ્બોલો ફાઉન્ડેશન સ્થાપ્યું હતું અને એમાં આવતા ભંડોળનો ઉપયોગ તે કૅમરૂનથી આવીને સ્વિટ્ઝરલૅન્ડમાં આશ્રય લેતાં બાળકોના લાભાર્થે કરે છે. સ્વિટ્ઝરલૅન્ડ માટે આ જીત ઘણી મહત્ત્વની હતી, કારણ કે હજી બન્ને દેશે નેમારના બ્રાઝિલનો સામનો કરવાનો બાકી છે.

25 November, 2022 11:13 AM IST | Doha | Gujarati Mid-day Correspondent

અન્ય લેખો

અન્ય સ્પોર્ટ્સ

વાંદરાને બનાવી દીધો ભવિષ્યવેત્તા

આ વાંદરો ઝાગ્રેબના ઝૂનો છે અને તેની પાસે થોડાં વર્ષોથી વિવિધ ટુર્નામેન્ટમાં આગાહી કરાવવામાં આવે છે

02 December, 2022 12:39 IST | Zagreb | Gujarati Mid-day Correspondent
અન્ય સ્પોર્ટ્સ

રેફરીએ કોચને બતાવ્યું રેડ કાર્ડ : વર્લ્ડ કપનો પ્રથમ કિસ્સો

કોરિયન કોચ બેન્ટોએ મેદાન પર આવીને જોરદાર વિરોધ નોંધાવ્યો હતો.

02 December, 2022 12:33 IST | Doha | Gujarati Mid-day Correspondent
અન્ય સ્પોર્ટ્સ

પોલૅન્ડ હાર્યા છતાં પ્રી-ક્વૉર્ટરમાં, ટ્યુનિશિયા જીત્યા પછી પણ આઉટ

મેસીના ગોલ વગર આર્જેન્ટિના નૉકઆઉટમાં પહોંચી ગયું : ફ્રાન્સ ૨૦૧૪ પછી પહેલી વાર વર્લ્ડ કપમાં હાર્યું

02 December, 2022 12:23 IST | Doha | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK