° °

આજનું ઇ-પેપર
Thursday, 08 December, 2022


ચેસમાં ચીટિંગ : કાર્લસેન કહે છે, ‘હું નીમન સાથે ફરી નહીં રમું’

28 September, 2022 12:38 PM IST | New Delhi
Gujarati Mid-day Correspondent | feedbackgmd@mid-day.com

ચેસમાં છેતરપિંડી કોઈ નવી વાત નથી

મૅગ્નસ કાર્લસેન અને હૅન્સ નીમન

મૅગ્નસ કાર્લસેન અને હૅન્સ નીમન

ચેસનો વર્લ્ડ નંબર-વન અને વિશ્વવિજેતા ખેલાડી નૉર્વેનો ૩૧ વર્ષનો મૅગ્નસ કાર્લસેન તાજેતરમાં ભારતના ૧૭ વર્ષના અર્જુન ઇરિગૈસીને ફાઇનલ રાઉન્ડમાં હરાવીને મેલ્ટવૉટર ચૅમ્પિયન્સ ચેસ ટૂરમાં ચૅમ્પિયન બન્યો એના બીજા જ દિવસે તેણે (કાર્લસેને) ત્રીજા રાઉન્ડમાં અમેરિકાના ચેસ-સ્ટાર હૅન્સ નીમન સાથેની ગેમમાં નીમને છેતરપિંડી કરી હોવાનો જે આક્ષેપ કર્યો હતો એ વિશે ગઈ કાલે વધુ વાતો ખુલ્લી પાડી હતી. કાર્લસેને એક જ ચાલ ચાલ્યા પછી એ ગેમ છોડી દીધી હતી. બે અઠવાડિયાં પહેલાં પણ કાર્લસેને નીમન સામેની એક ગેમ અધવચ્ચે છોડી દીધી હતી.

કાર્લસેને સોશ્યલ મીડિયા પરની પોસ્ટમાં નીમન સામે વધુ આક્ષેપ કરતાં જણાવ્યું છે કે ‘ચેસમાં ચીટિંગ કોઈ નાનીસૂની વાત ન કહેવાય, મોટી સમસ્યા કહેવાય. ચેસની રમત માટે છેતરપિંડી ખતરો બની શકે. ચેસમાં ચીટિંગ કરતા લોકોને પ્રકાશમાં લાવવા આયોજકોએ વધુ ચાંપતી નજર રાખવાની જરૂર છે. મને ખબર છે કે તાજેતરમાં નીમને ગુપ્ત રીતે વધુ ને વધુ લોકો સાથે ચીટિંગ કરી છે. તેણે ચેસની રમતમાં ઘણી પ્રગતિ કરી છે અને બે અઠવાડિયાં પહેલાંના મુકાબલામાં મેં જોયું કે નીમન રમતી વખતે જરા પણ તંગ નહોતો લાગ્યો. ગમેએવી કટોકટીમાં પણ તે નિ​​શ્ચિંત લાગ્યો હતો. તેણે મને કાળા મહોરા સાથે જે રીતે હરાવ્યો એવું અગાઉ બહુ ઓછા લોકો કરી શક્યા છે, પરંતુ નીમન જે રીતે મારી સાથે એ ગેમ જીત્યો એટલે મારો તેના પ્રત્યેનો દૃષ્ટિકોણ બદલાઈ ગયો હતો.’

કાર્લસેન પાસે નીમને કરેલી કથિત ચીટિંગનો નક્કર પુરાવો તો નથી, પરંતુ તેણે ફરી નીમન સાથે ન રમવાનું નક્કી કરી લીધું છે. તેણે પોસ્ટમાં લખ્યું કે ‘ચીટર્સ ભવિષ્યમાં શું કરે એ અત્યારથી કળી ન શકાય, એટલે હું તો (નીમન જેવા) વારંવાર ચીટિંગ કરનારાઓ સાથે ભવિષ્યમાં નથી રમવાનો. તેઓ (છેતરપિંડીવાળી) કોઈક ચાલ તો ચાલતા જ હોય છે. ચીટિંગ સામે પગલાં લેવાં જોઈએ. આશા રાખું છું કે આ બાબતમાં સત્ય બહાર આવશે જ.’

ચેસમાં છેતરપિંડી કોઈ નવી વાત નથી

ચેસની રમતમાં છેતરપિંડી કોઈ નવી વાત નથી, પણ સ્માર્ટફોન આવ્યા પછી આ ચીટિંગ આસાન થઈ ગઈ છે. સારામાં સારી ચેસ ઍપ (જેમાંની ઘણી મફતમાં ઉપલબ્ધ હોય છે) ચાલ ચાલવામાં ટોચના ખેલાડીઓ કરતાં પણ સ્ટ્રૉન્ગ હોય છે. ઍપમાં ગેમ્સ ઇન્પુટ કરવાથી કમ્પ્યુટર તરત જ પર્ફેક્ટ ચાલની સૌથી નજીકમાં હોય એવી ચાલ સૂચવે છે. જોકે એ માટે ઓવર-ધ-બોર્ડ ગેમમાં સ્માર્ટફોનનો ઉપયોગ કરવાની મનાઈ હોય છે. જોકે છેતરપિંડી કરનારાઓ પાસે ૧૦ નવા રસ્તા હોય છે. એક મુકાબલામાં એક ખેલાડીએ ફોન પગમાં ભરાવ્યો હતો અને માઇક્રો ઇયરપીસની મદદથી કેવી ચાલ ચાલવી જોઈએ એની ટિપ્સ મેળવતો હતો.

28 September, 2022 12:38 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

મેસી-રોનાલ્ડોનો ફુટબૉલ પહેલાં ચેસમાં જંગ

ઘણા જાણીતા ખેલાડીઓ ઈજાને કારણે નથી રમવાના, પરંતુ આ બે આઇકન પ્લેયર્સ પર સૌકોઈની નજર હશે.

21 November, 2022 12:29 IST | Doha | Gujarati Mid-day Correspondent
અન્ય સ્પોર્ટ્સ

ટેનિસ કોર્ટ પર પણ ધોનીએ વગાડ્યો ડંકો, જીત્યું JSCA ચેમ્પિયનશિપ 2022નું ટાઇટલ

મહેન્દ્ર સિંહ ધોની અને સુમિત કુમાર બજાજની જોડીએ ફાઈનલ મેચમાં ખનૈયા-રોહિતની જોડીને હરાવીને ઝારખંડ સ્ટેટ ક્રિકેટ એસોસિએશન ટેનિસ ચેમ્પિયનશિપ 2022નું ડબલ્સ ટાઈટલ જીત્યું હતું

17 November, 2022 08:24 IST | Ranchi | Gujarati Mid-day Online Correspondent
અન્ય સ્પોર્ટ્સ

News In Short : ભગત અને મનીષા પૅરા બૅડ‍્મિન્ટનમાં વર્લ્ડ ચૅમ્પિયન

મહિલાઓના વર્ગમાં ૧૭ વર્ષની મનીષાએ જપાનની મામિકો તોયોડાને ૨૧-૧૫, ૨૧-૧૫થી હરાવીને સુવર્ણચંદ્રક જીતી લીધો હતો

07 November, 2022 12:32 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK