° °

આજનું ઇ-પેપર
Thursday, 06 October, 2022


ટ્રિસ્ટૅન સ્ટબ્ઝ સાઉથ આફ્રિકાની ટી૨૦ લીગની હરાજીમાં સૌથી મોંઘો ખેલાડી

21 September, 2022 12:11 PM IST | Cape Town
Gujarati Mid-day Correspondent | feedbackgmd@mid-day.com

ટી૨૦ કૅપ્ટન ટેમ્બા બવુમા અને ટેસ્ટ સુકાની ડીન એલ્ગરને કોઈએ પણ ન ખરીદ્યા

ટ્રિસ્ટૅન સ્ટબ્ઝ સાઉથ આફ્રિકાની ટી૨૦ લીગની હરાજીમાં સૌથી મોંઘો ખેલાડી South-Africa T20 league Auction

ટ્રિસ્ટૅન સ્ટબ્ઝ સાઉથ આફ્રિકાની ટી૨૦ લીગની હરાજીમાં સૌથી મોંઘો ખેલાડી

જાન્યુઆરીમાં સાઉથ આફ્રિકામાં શરૂ થનારી નવી ટી૨૦ ક્રિકેટ લીગ માટે સોમવારે કેપટાઉનમાં આઇપીએલની માફક ખેલાડીઓની હરાજીનો કાર્યક્રમ યોજાયો હતો, જેમાં સાઉથ આફ્રિકાના બાવીસ વર્ષના પાવર-હિટર અને વિકેટકીપર-બૅટર ટ્રિસ્ટૅન સ્ટબ્ઝને ઑક્શન માટેના તમામ ખેલાડીઓમાં સૌથી ઊંચો ભાવ મળ્યો હતો. સનરાઇઝર્સ ઈસ્ટર્ન કેપ નામના ફ્રૅન્ચાઇઝીએ તેને ૫,૨૦,૦૦૦ ડૉલર (૪.૧૫ કરોડ રૂપિયા)માં ખરીદ્યો હતો. સ્ટબ્ઝ માટે મુંબઈ ઇન્ડિયન્સના માલિકોની એમઆઇ કેપટાઉન તેમ જ જોહનિસબર્ગ સુપર કિંગ્સ ફ્રૅન્ચાઇઝી વચ્ચે જોરદાર હરીફાઈ થઈ હતી અને એમાં સનરાઇઝર્સની બોલી સૌથી ઊંચી હતી.

૨૪ વર્ષના બૅટર તથા સુપર-ફીલ્ડર ડોનાવૉન ફેરેઇરાને સુપર કિંગ્સે ૩,૧૦,૦૦૦ ડૉલર (૨.૪૮ કરોડ રૂપિયા)માં મેળવ્યો હતો. યેન્સેન બંધુઓ (ડુઆન યેન્સેન, માર્કો યેન્સેન) પણ ખૂબ ડિમાન્ડમાં હતા. માર્કો યેન્સેનને સનરાઇઝર્સે ૩,૪૪,૦૦૦ ડૉલર (૨.૭૪ કરોડ રૂપિયા)માં અને ડુઆન યેન્સેનને એમઆઇ કેપ ટાઉને ૧,૮૬,૦૦૦ ડૉલર (૧.૪૮ કરોડ રૂપિયા)માં મેળવી લીધો હતો.
સાઉથ આફ્રિકાના ટી૨૦ કૅપ્ટન ટેમ્બા બવુમા અને ટેસ્ટ સુકાની ડીન એલ્ગરને કોઈ પણ ફ્રૅન્ચાઇઝીએ નહોતા ખરીદ્યા.

300
સાઉથ આફ્રિકાની ટી૨૦ લીગ માટેની હરાજીમાં કુલ ૩૦૦ ખેલાડીઓને શૉર્ટલિસ્ટ કરાયા હતા.

કઈ ટીમમાં ખાસ કોણ?

(૧) ડરબન સુપર જાયન્ટ્સ : ક્વિન્ટન ડિકૉક, જેસન હોલ્ડર, કાઇલ માયર્સ, રીસ ટૉપ્લી, હિન્રીચ ક્લાસન, કેશવ મહારાજ, દિલશાન મદુશન્કાનો સમાવેશ છે.
(૨) જોહનિસબર્ગ સુપર કિંગ્સ : ફૅફ ડુ પ્લેસી, મહીશ થીકશાના, રોમારિયો શેફર્ડ, યૅનમૅન મલાન, રીઝા હેન્ડ્રિક્સ, અલ્ઝારી જોસેફ, ડૉનાવૉન ફેરેઇરા.
(૩) એમઆઇ કેપટાઉન : કૅગિસો રબાડા, ડેવાલ્ડ બ્રેવિસ, રાશિદ ખાન, લિઆમ લિવિંગસ્ટન, સૅમ કરેન, રૅસી વૅન ડર ડુસેન, ડુઆન યેન્સેન, ઓડિયન સ્મિથ.
(૪) પાર્લ રૉયલ્સ : ડેવિડ મિલર, જૉસ બટલર, ઑબેડ મેકૉય, લુન્ગી ઍન્ગિડી, તબ્રેઝ શમ્સી, જેસન રૉય, ઇયોન મૉર્ગન.
(૫) પ્રીટોરિયા કૅપિટલ્સ : ઍન્રિચ નોર્કિયા, મિગ્વેલ પ્રિટોરિયસ, રિલી રોસોઉ, વેઇન પાર્નેલ, આદિલ રશીદ, કુસલ મેન્ડિસ, નીશૅમ.
(૬) સનરાઇઝર્સ ઈસ્ટર્ન કેપ : એઇડન માર્કરમ, માર્કો યેન્સેન, ટ્રિસ્ટૅન સ્ટબ્ઝ.

21 September, 2022 12:11 PM IST | Cape Town | Gujarati Mid-day Correspondent

અન્ય લેખો

ક્રિકેટ

ફિન્ચ-વેડ હીરો, પણ મિચલ સ્ટાર્ક સુપરહીરો

કૅચ છૂટ્યા એટલે ઑસ્ટ્રેલિયાને વેસ્ટ ઇન્ડીઝ સામેના થ્રિલરમાં સેકન્ડ-લાસ્ટ બૉલ પર જીતવા મળી ગયું

06 October, 2022 11:43 IST | New Delhi | Gujarati Mid-day Correspondent
ક્રિકેટ

હરમન, મંધાનામાંથી કોણ ભારતની પ્રથમ આઇસીસી અવૉર્ડ વિજેતા?

અક્ષર પટેલ પણ પ્લેયર ઑફ ધ મન્થ અવૉર્ડ માટે નૉમિનેટ : કૅમેરન ગ્રીન પણ રેસમાં

06 October, 2022 11:30 IST | New Delhi | Gujarati Mid-day Correspondent
ક્રિકેટ

આજે સાઉથ આફ્રિકા સામે પ્રથમ વન-ડે

મૅચનો સમય બપોરે ૧.૩૦ વાગ્યાથી

06 October, 2022 11:24 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK