દાદાના અતિ ઉત્સાહને લીધે ઈશાન કિશનનાં લગ્નની ફેલાયેલી અફવા વિશે મમ્મીનો ખુલાસો
ઈશાન કિશનની મમ્મી સુચિત્રા દેવીએ લગ્નની વાતોને નકારી દીધી
બે વર્ષ બાદ કમબૅકમાં કમાલ કરી રહેલો ઈશાન કિશન સોશ્યલ મીડિયામાં તેના પર્ફોર્મન્સ ઉપરાંત ગર્લફ્રેન્ડ અદિતિ હુંડિયા સાથેનાં લગ્નની ચર્ચાને લીધે પણ છવાયેલો છે. તેના દાદાએ અતિ ઉત્સાહમાં મીડિયા સાથેની વાતચીતમાં અદિતિ તેના પૌત્રની ગર્લફ્રેન્ડ હોવાનો સ્વીકાર કરતાં બન્નેનાં ટૂંક સમયમાં લગ્ન થવાની ચર્ચા થવા લાગી હતી. જોકે ઈશાન કિશનની મમ્મી સુચિત્રા દેવીએ આ બધી અફવાઓ ગણાવીને લગ્નની વાતોને નકારી દીધી હતી. કિશનની મમ્મીએ કહ્યું હતું કે ‘આ લગ્નની વાત કરવાનો સમય નથી. આ તેનો રમવાનો સમય છે. તે હજી એટલો મોટો નથી થઈ ગયો કે તેનાં લગ્ન વિશે ચર્ચા કરીએ. દાદાની ઉંમર થઈ ગઈ છે. ઉંમરલાયક લોકો હંમેશાં થોડા ઉત્સાહિત થઈ જતા હોય છે. સોશ્યલ મીડિયામાં કંઈ ને કંઈ આવતું જ રહેતું હોય છે. તેમણે જે કહ્યું હતું એ બધું સોશ્યલ મીડિયામાં જોઈને કહ્યું હતું.’
