° °

આજનું ઇ-પેપર
Tuesday, 24 May, 2022


IPL 2022 : ૧૧૭ કિલોનો થીક્શાના હવે ફિટનેસ-ફિટ અને ચેન્નઈનો નંબર-વન સ્પિનર બન્યો છે

12 May, 2022 12:25 PM IST | Mumbai
Gujarati Mid-day Correspondent | feedbackgmd@mid-day.com

શ્રીલંકન ઑફ-બ્રેક સ્પિનરે ૮ મૅચમાં ૧૨ વિકેટ લીધી છે : બૅન્ગલોર સામે એક મૅચ જિતાડી છે

મહીશ થીકશાના IPL 2022

મહીશ થીકશાના

ચેન્નઈ સુપર કિંગ્સની ટીમ પ્લે-ઑફની રેસમાંથી ભલે ઑલમોસ્ટ આઉટ થઈ ગઈ, પરંતુ એના કેટલાક બોલર્સ ધૂમ મચાવી રહ્યા છે. શ્રીલંકાના ઑફ-બ્રેક સ્પિનર મહીશ થીક્શાના વિશે પછીથી વિગતવાર ચર્ચા કરીશું, પરંતુ ટીમના અન્ય બોલર્સની વાત કરીએ તો એવરગ્રીન ઑલરાઉન્ડર ડ્વેઇન બ્રાવો ટીમના તમામ બોલર્સમાં ૧૬ વિકેટ સાથે નંબર-વન છે જ, બીજો ફાસ્ટ બોલર મુકેશ ચૌધરી ૧૦ મૅચમાં ૧૩ વિકેટ લઈને છવાઈ ગયો છે. ઘૂંટણની ઈજામાંથી મુક્ત થયેલો બ્રિટિશ સ્પિનર મોઇન અલી બોલિંગ-ઍક્શનમાં બદલાવ લાવ્યા બાદ રવિવારે દિલ્હી કૅપિટલ્સ સામેની મૅચમાં ૧૩ રનમાં ત્રણ વિકેટ લઈને મૅચ-વિનર સાબિત થયો હતો.

૨૧ વર્ષના મહીશ થીકશાનાએ ૮ મૅચમાં ૧૨ વિકેટ લીધી છે અને ચેન્નઈના આ સીઝનના સ્પિનરોમાં અત્યારે નંબર-વન છે. ૭.૪૧ તેનો ઇકૉનૉમી-રેટ છે. ખાસ કરીને તે રૉયલ ચૅલેન્જર્સ બૅન્ગલોર સામેની બન્ને મૅચમાં ચમક્યો છે. ૪થી મેએ પુણેમાં તેના ત્રણ વિકેટના તરખાટ પછી ડેવૉન કૉન્વે (૩૭ બૉલમાં ૫૬ રન) અને મોઇન અલી (૨૭ બૉલમાં ૩૪ રન)ને બાદ કરતાં ચેન્નઈના બાકીના બૅટર્સ નિષ્ફળ જતાં છેવટે બૅન્ગલોરનો ૧૩ રનથી વિજય થયો હતો. જોકે એ પહેલાં ૧૨મી એપ્રિલે ડી. વાય. પાટીલમાં બૅન્ગલોર સામેની મૅચમાં થીકશાનાએ ૩૩ રનમાં ચાર વિકેટ લઈને ચેન્નઈને જિતાડ્યું હતું.

થીક્શાના ૨૧ વર્ષનો છે. બે વર્ષ પહેલાં તે જ્યારે શ્રીલંકા વતી અન્ડર-૧૯ ક્રિકેટ મૅચો રમતો હતો ત્યારે તેનું વજન ૧૧૭ કિલો હતું જેને કારણે તેણે ફિટનેસના માપદંડોનો અમલ કરવા ખૂબ મહેનત અને સંઘર્ષ કરવા પડતા હતા. ક્યારેક તો વધુપડતા વજનને કારણે તેને નહોતું રમવા મળતું. ક્યારેક તે ત્રણ દિવસની મૅચમાં સાથી ખેલાડીઓ માટે પાણી અને એનર્જી ડ્રિન્ક લઈ જવાનું કામ કરતો હતો. ૨૦૨૦ની સાલમાં તેણે ફિટનેસ પર સૌથી વધુ ધ્યાન આપ્યું અને વજન ઘટાડવા રોજ કલાકો સુધી જિમ્નેશ્યમમાં વર્ક-આઉટ કર્યું હતું.

12 May, 2022 12:25 PM IST | Mumbai | Gujarati Mid-day Correspondent

અન્ય લેખો

ક્રિકેટ

PBKS Vs SRH: નિરુત્સાહી હૈદરાબાદને પંજાબે કાબૂમાં રાખ્યું

આ મૅચ અર્થ વિનાની હતી, કારણ કે બન્ને હરીફ ટીમ પ્લે-ઑફની રેસમાંથી બહાર ફેંકાઈ ગઈ છે.

23 May, 2022 03:11 IST | Mumbai | Gujarati Mid-day Correspondent
ક્રિકેટ

વિજય સાથે સીઝનનો અંત લાવવા માગશે પંજાબ અને હૈદરાબાદ

મયંક અગરવાલના નેતૃત્વવાળી ટીમ સતત બે મૅચ પણ જીતી શકી નહોતી, તો બોલરો ઈજાગ્રસ્ત થતાં હૈદરાબાદની હાલત કફોડી થઈ

22 May, 2022 01:47 IST | Mumbai | Gujarati Mid-day Correspondent
ક્રિકેટ

પૂરપાટ દોડ્યા બાદ ફસડાઈ ચેન્નઈ એક્સપ્રેસ

પહેલી ૬ ઓવરમાં ૭૫ રન સાથે ધમાકેદાર શરૂઆત, ત્યાર બાદ ૧૪ ઓવરમાં માત્ર એટલા જ રન બનાવીને માંડ-માંડ બનાવ્યા ૧૫૦ રન ઃ  ચેન્નઈના મોઇન અલીના કરીઅર બેસ્ટ ૯૩ રન

21 May, 2022 02:00 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK