Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સ્પોર્ટ્સ સમાચાર > ક્રિકેટ > આર્ટિકલ્સ > સાઉથ આફ્રિકન વિમેનની પણ ભારત સામે કારમી હાર, માત્ર એક મૅચ જીતીને સ્વદેશ પરત ફરશે

સાઉથ આફ્રિકન વિમેનની પણ ભારત સામે કારમી હાર, માત્ર એક મૅચ જીતીને સ્વદેશ પરત ફરશે

10 July, 2024 10:49 AM IST | Chennai
Gujarati Mid-day Correspondent | feedbackgmd@mid-day.com

અંતિમ T20 ૧૦ વિકેટે જીતીને ભારતીય વિમેન્સ ટીમે સિરીઝ ૧-૧થી ડ્રૉ કરી

માત્ર ૧૩ રનમાં ૪ વિકેટ લેનાર પૂજા વસ્ત્રાકરને શાબાશી આપી રહેલી રાધા યાદવ

માત્ર ૧૩ રનમાં ૪ વિકેટ લેનાર પૂજા વસ્ત્રાકરને શાબાશી આપી રહેલી રાધા યાદવ


૧૦ દિવસની અંદર ભારતીય ક્રિકેટ ટીમે સાઉથ આફ્રિકન ક્રિકેટને ક્યારેય ન ભુલાય એવી કારમી હાર આપી છે. ૨૯ જૂને T20 વર્લ્ડ કપ ફાઇનલ હારનાર સાઉથ આફ્રિકાની પુરુષ ટીમ હજી હારના આઘાતમાંથી બહાર આવે એ પહેલાં એની મહિલા ટીમે પણ કારમી હારનો સામનો કરવો પડ્યો છે. ભારતીય મહિલાઓએ સાઉથ આફ્રિકન મહિલાઓને વન-ડે સિરીઝમાં ૩-૦થી પરાસ્ત કરીને અને એકમાત્ર ટેસ્ટમૅચમાં પણ જબરદસ્ત વિજય મેળવ્યા પછી ત્રણ મૅચની T20 સિરીઝમાં અંતિમ મૅચ ૧૦ વિકેટે જીતીને ૧-૧થી સિરીઝ બરાબર કરી હતી. પરિણામે સાઉથ આફ્રિકન વિમેન્સ ટીમે એક પણ સિરીઝ જીત્યા વગર સ્વદેશ પરત ફરવું પડ્યું છે. ભારતના ટૂરમાં એ માત્ર એક T20 મૅચ જીતી શકી હતી.


ગઈ કાલે ભારતીય ટીમે પહેલાં બોલિંગ પસંદ કરીને ૧૭.૧ ઓવરમાં ૮૪ રને વિરોધી ટીમને ઑલઆઉટ કરી હતી. ભારતીય ઓપનર્સ સ્મૃતિ માન્ધના (૫૪ રન)એ શફાલી વર્મા (૨૭ રન) સાથે મળીને ૧૦.૫ ઓવરમાં ટાર્ગેટ ચેઝ કરી લીધો હતો. હવે ૧૯ જુલાઈએ પાકિસ્તાન સામેની ટક્કરથી ભારતીય મહિલા ટીમ T20 એશિયા કપમાં પોતાના અભિયાનની શરૂઆત કરશે.


Whatsapp-channel Whatsapp-channel

10 July, 2024 10:49 AM IST | Chennai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK