ભૂતપૂર્વ કૅપ્ટન સુનીલ ગાવસકરે ગઈ કાલે શ્રેયસ ઐયરને ટેસ્ટ ડેબ્યુ કૅપ આપી હતી.
ભૂતપૂર્વ કૅપ્ટન સુનીલ ગાવસકરે ગઈ કાલે શ્રેયસ ઐયરને ટેસ્ટ ડેબ્યુ કૅપ આપી
ભૂતપૂર્વ કૅપ્ટન સુનીલ ગાવસકરે ગઈ કાલે શ્રેયસ ઐયરને ટેસ્ટ ડેબ્યુ કૅપ આપી હતી. હેડ-કોચ રાહુલ દ્રવિડે દિગ્ગજ ક્રિકેટરો દ્વારા પહેલી ટેસ્ટ રમનાર ખેલાડીઓને ટેસ્ટ-કૅપ આપવાની જૂની પરંપરા ફરી શરૂ કરી છે. ભારતીય ટીમ તરફથી ટેસ્ટ રમનાર ઐયર ૩૦૨મો ખેલાડી બન્યો છે. ઐયરને કૅપ આપવા માટે દ્રવિડે ગાવસકરને આમંત્રણ પાઠવ્યું હતું. એ પહેલાં ટી૨૦ સિરીઝ માટે દ્રવિડે હર્ષલ પટેલને કૅપ આપવા માટે અજિત આગરકરને બોલાવ્યો હતો.
કોઈ દિગ્ગજ ખેલાડીઓ દ્વારા નવોદિત ખેલાડીને કૅપ આપવાની પરંપરા ઑસ્ટ્રેલિયામાં ઘણા સમયથી છે. નવોદિત ખેલાડીઓ શેન વૉર્ન, માર્ક વૉ, માર્ક ટેલર અથવા ઍડમ ગિલક્રિસ્ટ દ્વારા આપવામાં આવે છે. અગાઉ આપણે ત્યાં પણ આવી પરંપરા હતી, પણ ત્યાર બાદ કૅપ્ટન અથવા સિનિયર પ્લેયર કે સપોર્ટ-સ્ટાફ જ નવા ખેલાડીને કૅપ આપતો હતો. જોકે દ્રવિડે જૂની પરંપરાને ફરી જીવંત કરી હતી. ગાવસકર જેવા ખેલાડી સાથેના સંવાદે ઐયરને ભાવુક બનાવી દીધો હતો.
