Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ડેવિડ મિલરના ટી૨૦માં થયા ૧૦,૦૦૦ રન

ડેવિડ મિલરના ટી૨૦માં થયા ૧૦,૦૦૦ રન

09 February, 2024 07:29 AM IST | Mumbai
Gujarati Mid-day Correspondent | feedbackgmd@mid-day.com

ડેવિડ મિલરથી પહેલાં ૧૧ ખેલાડીઓ ટી૨૦ ક્રિકેટમાં ૧૦,૦૦૦ રનનો આંકડો પાર કરી ચૂક્યા છે

ડેવિડ મિલર

ડેવિડ મિલર


આમ કરનારો ૧૨મો ક્રિકેટકર : હાલમાં સાઉથ આફ્રિકા ટી૨૦ લીગમાં પર્લ રૉયલ્સ ટીમ તરફથી રમી રહ્યો છે ડેવિડ મિલરે બુધવારે પોતાનું નામ ઇતિહાસના ચોપડે નોંધી દીધું છે. તે ટી૨૦ ક્રિકેટમાં ૧૦,૦૦૦ રન પૂરા કરનાર સાઉથ આફ્રિકાનો પહેલો ક્રિકેટર બન્યો છે. ડેવિડ મિલરે સાઉથ આફ્રિકા ટી૨૦ ટુર્નામેન્ટમાં એલિમિનેટર મૅચમાં જોબર્ગ સુપરકિંગ્સ સામે ૪૭ રન કરીને આ સિદ્ધિ નોંધાવી હતી. ડેવિડ મિલરે એલિમિનેટર મૅચમાં ૨૮ રન પૂરા કર્યા ત્યારે સાઉથ આફ્રિકા તરફથી ક્રિકેટના ઇતિહાસમાં પોતાનું નામ નોંધાવી દીધું હતું. જોકે ટી૨૦ ક્રિકેટમાં ૧૦,૦૦૦ રન પૂરા કરવાના લિસ્ટમાં ડેવિડ મિલર ૧૨મા સ્થાને છે.

કોણ-કોણ છે?
ડેવિડ મિલરથી પહેલાં ૧૧ ખેલાડીઓ ટી૨૦ ક્રિકેટમાં ૧૦,૦૦૦ રનનો આંકડો પાર કરી ચૂક્યા છે; જેમાં ક્રિસ ગેઇલ (૧૪,૫૬૨), શોએબ મલિક (૧૩,૦૭૭13), કીરોન પોલાર્ડ (૧૨,૫૭૭), ઍલેક્સ હેલ્સ (૧૨,૦૦૨), વિરાટ કોહલી (૧૧,૯૯૪), ડેવિડ વૉર્નર (૧૧,૮૬૦), ઍરોન ફિંચ (૧૧,૪૫૮), રોહિત શર્મા (૧૧,૧૫૬), જૉસ બટલર (૧૧,૧૪૬), કૉલિન મુનરો (૧૦,૬૦૨) અને જેમ્સ વિન્સ (૧૦,૦૧૯ રન)નાં નામ સામેલ છે.



ટી૨૦ લીગમાં મિલર
‘કિલર ધ મિલર’ના નામે લોકપ્રિય ડેવિડ મિલરે હાલમાં સાઉથ આફ્રિકા ટી૨૦ લીગમાં શાનદાર પ્રદર્શન કર્યું છે. તેણે આ લીગમાં ૧૦ મૅચમાં ૩૦ની ઍવરેજથી ૧૧૮.૨ની સ્ટ્રાઇક રેટથી ૨૪૦ રન કર્યા છે. તે હાલમાં પ્રિટોરિયા કૅપિટલ્સ સામે અણનમ ૭૫ રનની આક્રમક ઇનિંગ્સ રમ્યો હતો.


Whatsapp-channel Whatsapp-channel

09 February, 2024 07:29 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK