CSK છઠ્ઠી વાર ચૅમ્પિયન બનીને માહીને યાદગાર ફેરવેલ આપવા માટે ઊતરશે

ટુર્નામેન્ટનો સૌથી ઓલ્ડેસ્ટ અને સૌથી વધુ મૅચ રમનાર ક્રિકેટર છે મહેન્દ્ર સિંહ ધોની

ચેન્નઈ સુપર કિંગ્સની સ્ક્‍વૉડ.

૨૩ માર્ચે ચેન્નઈ સુપર કિંગ્સ (CSK) ચેપૉક સ્ટેડિયમમાં મુંબઈ ઇન્ડિયન્સ (MI) સામે પોતાના IPL 2025ના અભિયાનની શરૂઆત કરશે. ભૂતપૂર્વ કૅપ્ટન મહેન્દ્ર સિંહ ધોનીની આ છેલ્લી IPL સીઝન હશે એ ઑલમોસ્ટ નક્કી છે. એથી ઋતુરાજ ગાયકવાડના નેતૃત્વમાં ચેન્નઈની ટીમ રેકૉર્ડ છઠ્ઠી વાર ચૅમ્પિયન બનીને ધોનીને યાદગાર ફેરવેલ આપવાનો ભરપૂર પ્રયાસ કરશે. આ ટીમ ૧૨ વાર પ્લે-ઑફમાં પહોંચી છે, પાંચ વાર ચૅમ્પિયન અને પાંચ વાર રનર-અપ રહી છે.

આ ટીમ પાસે રચિન રવીન્દ્ર, ડેવોન કૉન્વે, ધોની, દીપક હૂડા અને ઋતુરાજ ગાયકવાડ જેવું મજબૂત બૅટિંગ-યુનિટ છે. ટીમ પાસે રવીન્દ્ર જાડેજા, રવિચન્દ્રન અશ્વિન, નૂર અહમદ જેવા શાનદાર સ્પિનર્સની સાથે શિવમ દુબે, સૅમ કરૅન જેવા પાવર હિટર ઑલરાઉન્ડર્સ પણ છે, પરંતુ ફાસ્ટ બોલિંગ-યુનિટમાં મથિશા પાથિરાના, જેમી ઓવરટન, ખલીલ અહમદ જેવા ઓછા વિકલ્પો છે.

ADVERTISEMENT

ધોની સહિત ચાર પ્લેયર્સ પાસે ૧૦૦થી વધુ મૅચ રમવાનો અનુભવ છે, જ્યારે છ પ્લેયર્સ હજી IPL મૅચ રમી શક્યા નથી. ધોની આ સ્ક્વૉડમાં સૌથી ઓલ્ડેસ્ટ અને અનુભવી પ્લેયર છે, જ્યારે બૅટર આન્દ્રે સિદ્ધાર્થ સૌથી યંગ પ્લેયર છે. ટીમના ૧૦ પ્લેયર્સ ૩૦ પ્લસ વર્ષની ઉંમર ધરાવે છે. ૧૧૯.૯૫ કરોડ ખર્ચીને આ ફ્રૅન્ચાઇઝીએ અનુભવી અને યંગ પ્લેયર્સના મિશ્રણવાળી પચીસ સભ્યોની સ્ક્વૉડ તૈયાર કરી છે.

ચેન્નઈનો કોચિંગ સ્ટાફ 
કોચ : સ્ટીફન ફ્લેમિંગ
બૅટિંગ કોચ : માઇકલ હસી
બોલિંગ સલાહકાર : એરિક સિમન્સ

10

સ્ક્વૉડના આટલા પ્લેયર્સ ૩૦થી વધુ ઉંમરના છે. ફ્રૅન્ચાઇઝીએ અનુભવી અને યંગ પ્લેયર્સના મિશ્રણવાળી પચીસ સભ્યોની સ્ક્વૉડ તૈયાર કરી છે.