° °

આજનું ઇ-પેપર
Saturday, 25 March, 2023


કોવિડકાળ પહેલાંનું અધૂરું સપનું વિમેન ઇન બ્લુને હવે પૂરું જ કરવું છે

04 February, 2023 02:13 PM IST | Mumbai
Gujarati Mid-day Correspondent | feedbackgmd@mid-day.com

માર્ચ ૨૦૨૦માં ઑસ્ટ્રેલિયા સામેની ટી૨૦ વિશ્વકપની ફાઇનલની ભારતની હાર પછી કોરોનાએ આખા વિશ્વને ભરડામાં લીધેલું : ૧૦ ફેબ્રુઆરીથી શરૂ થાય છે નવો વર્લ્ડ કપ

વિમેન ટી૨૦માં ભારતીય ટીમ ચોથા રૅન્ક પર છે. ઑસ્ટ્રેલિયા નંબર-વન, ઇંગ્લૅન્ડ નંબર-ટૂ અને ન્યુ ઝીલૅન્ડ નંબર-થ્રી છે. તાજેતરની ટી૨૦ ટ્રાયેન્ગ્યુલરમાં દીપ્તિ ૯ વિકેટ સાથે મોખરે હતી, જ્યારે હરમનપ્રીત ૧૦૯ રન સાથે બીજા નંબર પર રહી હતી. (તસવીર : બીસીસીઆઇ/વિમેન ટ‍્વિટર)

વિમેન ટી૨૦માં ભારતીય ટીમ ચોથા રૅન્ક પર છે. ઑસ્ટ્રેલિયા નંબર-વન, ઇંગ્લૅન્ડ નંબર-ટૂ અને ન્યુ ઝીલૅન્ડ નંબર-થ્રી છે. તાજેતરની ટી૨૦ ટ્રાયેન્ગ્યુલરમાં દીપ્તિ ૯ વિકેટ સાથે મોખરે હતી, જ્યારે હરમનપ્રીત ૧૦૯ રન સાથે બીજા નંબર પર રહી હતી. (તસવીર : બીસીસીઆઇ/વિમેન ટ‍્વિટર)

૨૦૨૦ની ૮ માર્ચે મેલબર્નમાં ૮૬,૧૭૪ પ્રેક્ષકોવાળા એમસીજીના ગ્રાઉન્ડ પર હરમનપ્રીત કૌર ઍન્ડ કંપનીને યજમાન ઑસ્ટ્રેલિયાની વિમેન્સ ટીમે ૧૮૫ રનના ટાર્ગેટ સામે માત્ર ૯૯ રનમાં ઑલઆઉટ કરીને ટ્રોફી જીતી લીધી એ સાથે ભારતની ઘણી ખેલાડીઓ આઘાતમાં રડી પડી હતી અને ભારતીય મહિલા ક્રિકેટને પહેલી વાર આઇસીસી ટ્રોફી અપાવવાનું તેમનું સપનું ચકનાચૂર થઈ ગયું હતું. એ મૅચ પછી કોવિડકાળ શરૂ થઈ ગયો હતો અને મહિનાઓ સુધી ક્રિકેટ મૅચ નહોતી રમાઈ.

ગયા અઠવાડિયે સાઉથ આફ્રિકામાં સૌપ્રથમ ગર્લ્સ અન્ડર-19 ટી૨૦ વર્લ્ડ કપમાં શેફાલી વર્માના સુકાનમાં ભારતે ઐતિહાસિક ટ્રોફી જીતી લીધી અને હવે દેશના કરોડો ક્રિકેટપ્રેમીઓને ટી૨૦ની ટ્રોફી અપાવવાની જવાબદારી ભારતની સિનિયર વિમેન્સ ટીમની છે.

શેફાલી, રિચા ફરી ચૅમ્પિયન બનશે?

આગામી શુક્રવારે ૧૦ ફેબ્રુઆરીએ સાઉથ આફ્રિકામાં વિમેન્સ ટી૨૦ વર્લ્ડ કપ શરૂ થઈ રહ્યો છે જેમાં ૧૦ ટીમ ભાગ લઈ રહી છે. ઑસ્ટ્રેલિયા ફરી ચૅમ્પિયન બનવા માટે ફેવરિટ છે, પરંતુ અન્ડર-19 વર્લ્ડ કપની ટ્રોફી જીતી લાવનાર ઓપનર શેફાલી વર્મા તથા વિકેટકીપર રિચા ઘોષ સિનિયર ટીમમાં પણ છે અને તેમની મદદથી અને ખાસ કરીને વાઇસ કૅપ્ટન સ્મૃતિ મંધાના, કૅપ્ટન હરમનપ્રીત, જેમાઇમા રૉડ્રિગ્સ, દીપ્તિ શર્મા તેમ જ ફાસ્ટ બોલર રેણુકા સિંહના સુપર પર્ફોર્મન્સથી ભારત પણ ચૅમ્પિયન બનવાનું દાવેદાર છે.

ભારતની પહેલી મૅચ પાકિસ્તાન સામે

આ વર્લ્ડ કપમાં ભારતની પહેલી મૅચ રવિવાર ૧૨ ફેબ્રુઆરીએ કેપ ટાઉનમાં પાકિસ્તાન સામે (સાંજે ૬.૩૦ વાગ્યાથી) રમાશે. ગ્રુપ ‘બી’માં ભારતની એ પછીની લીગ મૅચ વેસ્ટ ઇન્ડીઝ, ઇંગ્લૅન્ડ અને આયરલૅન્ડ સામે રમાશે. ગ્રુપ ‘એ’માં ઑસ્ટ્રેલિયા, ન્યુ ઝીલૅન્ડ, સાઉથ આફ્રિકા, શ્રીલંકા અને બંગલાદેશ છે. દરેક ટીમ પોતાના ગ્રુપમાં ચાર લીગ મૅચ રમશે, બન્ને ગ્રુપની ટોચની બે ટીમ સેમી ફાઇનલમાં જશે. ૨૬ ફેબ્રુઆરીની ફાઇનલ માટે ૨૭મીએ રિઝર્વ ડે રાખવામાં આવ્યો છે.

3
હરમનપ્રીત કૌરના સુકાનમાં ભારતીય ટીમ ટ્રાયેન્ગ્યુલરમાં આટલી મૅચ સુધી વિજયી રહ્યા બાદ ગુરુવારની ફાઇનલમાં પાંચ વિકેટે ખરાબ રીતે હારી ગઈ હતી.

"અમે ગુરુવારે સાઉથ આફ્રિકા સામેની ટ્રાય-સિરીઝની ફાઇનલ હારી ગયાં એનાથી નિરાશ છીએ, પરંતુ એ સિરીઝમાંથી અમને જે પૉઝિટિવ્સ મળ્યાં એને અમે યાદ રાખીશું અને વર્લ્ડ કપમાં એને ફૉલો કરીશું." :દીપ્તિ શર્મા

04 February, 2023 02:13 PM IST | Mumbai | Gujarati Mid-day Correspondent

અન્ય લેખો

ક્રિકેટ

શ્રી ઘોઘારી વીસા શ્રીમાળી જૈન સમાજની ટુર્નામેન્ટ 32 સ્માઇલિંગ બ્લાસ્ટરે જીતી

32 સ્માઇલિંગ બ્લાસ્ટરે બૅટિંગ મળ્યા બાદ વત્સલ દોશી (૧૬ બૉલમાં ૪૩ રન)ના સૌથી મોટા યોગદાનની મદદથી ૭ ઓવરના અંતે ૭૯ રનનો ટાર્ગેટ નક્કી કર્યો હતો

25 March, 2023 06:36 IST | Mumbai | Gujarati Mid-day Correspondent
ક્રિકેટ

કેએસજીની ટી૨૦માં કેએસજી સ્ટેકનાઇન અને કેએસજી-ફાઇટર્સ ચૅમ્પિયન

ફાઇનલમાં કેએસજી એમ સ્પેસ ટીમે બૅટિંગ મળ્યા પછી દીક્ષિત વળિયા (૩૨ બૉલમાં ૪૯ રન)ના સૌથી મોટા યોગદાનની મદદથી ૨૦ ઓવરમાં ૭ વિકેટે ૧૮૭ રન બનાવ્યા

25 March, 2023 06:32 IST | Mumbai | Gujarati Mid-day Correspondent
ક્રિકેટ

વૉન્ગ ઑન સૉન્ગ : બ્રિટિશ બોલર ડબ્લ્યુપીએલની પહેલી હૅટ-ટ્રિક વુમન

મુંબઈને પહોંચાડ્યું ફાઇનલમાંઃ પેસ બોલરે પોતાના જ દેશની એકલ્સ્ટનને હૅટ-ટ્રિક બૉલમાં આઉટ કરી : રવિવારે બ્રેબર્નમાં દિલ્હી સાથે જામશે જોરદાર જંગ

25 March, 2023 06:26 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK