° °

આજનું ઇ-પેપર
Thursday, 06 October, 2022


અમદાવાદના બોલર ચિંતન ગજાના થ્રોમાં વેન્કટેશને માથામાં ઈજા

17 September, 2022 05:18 PM IST | Mumbai
Gujarati Mid-day Correspondent | feedbackgmd@mid-day.com

દુલીપ ટ્રોફીની મૅચમાં ઈજા બાદ ઐયર પાછો રમવા આવ્યો : વેસ્ટ ઝોનના લીડ સહિત ૨૫૯, સાત વિકેટ પડવાની બાકી

અમદાવાદના બોલર ચિંતન ગજાના થ્રોમાં વેન્કટેશને માથામાં ઈજા

અમદાવાદના બોલર ચિંતન ગજાના થ્રોમાં વેન્કટેશને માથામાં ઈજા

કોઇમ્બતુરમાં ગઈ કાલે દુલીપ ટ્રોફીની ચાર-દિવસીય સેમી ફાઇનલમાં બીજા દિવસે સેન્ટ્રલ ઝોનનો બૅટર વેન્કટેશ ઐયર બૅટિંગમાં હતો ત્યારે એક તબક્કે તેને વેસ્ટ ઝોનના ફાસ્ટ બોલર ચિંતન ગજાના થ્રોમાં માથામાં બૉલ વાગ્યો હતો. આ ઘટના બનતાં ગ્રાઉન્ડ પર ઍમ્બ્યુલન્સ બોલાવાઈ હતી અને વેન્કટેશને સારવાર માટે લઈ જવાયો હતો.

ભારત વતી રમી ચૂકેલા વેન્કટેશે ગજાના બૉલમાં છગ્ગો ફટકારીને ખાતું ખોલાવ્યું ત્યાર પછી તેના બીજા બૉલને તેણે તેની જ તરફ મોકલ્યો ત્યારે ગજાએ ફૉલો-થ્રૂમાંથી તેને રનઆઉટ કરવા માટે સામો થ્રો કર્યો હતો. જોકે એમાં બૉલ ભૂલથી વેન્કટેશને માથામાં વાગ્યો હતો અને તે નીચે પટકાયો હતો. ઍમ્બ્યુલન્સમાંથી સ્ટ્રેચર લઈ આવવામાં આવ્યું હતું, પરંતુ વેન્કટેશ ચાલીને પૅવિલિયનમાં ગયો હતો અને થોડી વાર બાદ પાછો બૅટિંગ કરવા આવ્યો હતો. જોકે ૧૪ રનના પોતાના સ્કોર પર તે તનુષ કોટિયનના બૉલમાં વિકેટકીપર હેત પટેલના હાથમાં કૅચઆઉટ થયો હતો. ૯ બૉલની ઇનિંગ્સમાં તેણે જે ૧૪ રન બનાવેલા એમાં એક સિક્સર ઉપરાંત બે ફોર પણ સામેલ હતી.

ગઈ કાલે વેસ્ટ ઝોનના ૨૫૭ રનના જવાબમાં સેન્ટ્રલ ઝોનની ટીમ જયદેવ ઉનડકટ તથા કોટિયનની ત્રણ-ત્રણ વિકેટ અને અતીત શેઠે બે અને ગજા તેમ જ મુલાનીની એક-એક વિકેટને કારણે ફક્ત ૧૨૮ રનમાં ઑલઆઉટ થઈ ગઈ હતી. બીજા દાવમાં પૃથ્વી શૉના અણનમ ૧૦૪ રનની મદદથી વેસ્ટ ઝોને ૩ વિકેટે ૧૩૦ રન બનાવ્યા હતા અને લીડ સહિત એના ૨૫૯ રન હતા.
બીજી સેમીમાં સાઉથ ઝોનના ૬૩૦/૮ ડિક્લેર્ડના જવાબમાં નૉર્થ ઝોનના વિના વિકેટે ૧૯ રન હતા.

17 September, 2022 05:18 PM IST | Mumbai | Gujarati Mid-day Correspondent

અન્ય લેખો

ક્રિકેટ

ફિન્ચ-વેડ હીરો, પણ મિચલ સ્ટાર્ક સુપરહીરો

કૅચ છૂટ્યા એટલે ઑસ્ટ્રેલિયાને વેસ્ટ ઇન્ડીઝ સામેના થ્રિલરમાં સેકન્ડ-લાસ્ટ બૉલ પર જીતવા મળી ગયું

06 October, 2022 11:43 IST | New Delhi | Gujarati Mid-day Correspondent
ક્રિકેટ

હરમન, મંધાનામાંથી કોણ ભારતની પ્રથમ આઇસીસી અવૉર્ડ વિજેતા?

અક્ષર પટેલ પણ પ્લેયર ઑફ ધ મન્થ અવૉર્ડ માટે નૉમિનેટ : કૅમેરન ગ્રીન પણ રેસમાં

06 October, 2022 11:30 IST | New Delhi | Gujarati Mid-day Correspondent
ક્રિકેટ

આજે સાઉથ આફ્રિકા સામે પ્રથમ વન-ડે

મૅચનો સમય બપોરે ૧.૩૦ વાગ્યાથી

06 October, 2022 11:24 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK