° °

આજનું ઇ-પેપર
Friday, 30 July, 2021


ખરાબ શરૂઆત બાદ કોહલી અને રહાણેએ બાજી સંભાળી લીધી

20 June, 2021 10:02 AM IST | Mumbai | Gujarati Mid-day Correspondent

પહેલા સેશનની સરખામણીમાં ન્યુ ઝીલૅન્ડના ફાસ્ટ બોલરોએ શિસ્તબદ્ધ બોલિંગ કરતાં બૅટ્સમેનોને સહેલાઈથી રન કરવા નહોતા દીધા. કોહલીએ પણ ડ્યુક બૉલનું સન્માન કરતાં કોલિન ડી ગ્રૅન્ડહોમની ત્રણ ઓવર મેઇડન કાઢી હતી.

ખરાબ શરૂઆત બાદ કોહલી અને રહાણેએ બાજી સંભાળી લીધી

ખરાબ શરૂઆત બાદ કોહલી અને રહાણેએ બાજી સંભાળી લીધી

વર્લ્ડ ટેસ્ટ ચૅમ્પિયનશિપની ન્યુ ઝીલૅન્ડ સામેની ફાઇનલમાં વરસાદને કારણે પહેલો દિવસ ગુમાવ્યા બાદ બૅડ લાઇટને લીધે મૅચ અટકાવવી પડી, ભારતના ૬૪.૪ ઓવરમાં ૩ વિકેટે ૧૪૬ રન ઇંગ્લૅન્ડના સધમ્પ્ટનમાં વિરાટ કોહલી (નૉટઆઉટ-૪૪) અને અજિંક્ય રહાણે (નૉટઆઉટ-૨૯)ની ઇનિંગ્સને લીધે ભારતે ખરાબ શરૂઆત કર્યા છતાં ન્યુ ઝીલૅન્ડ સામેની ટેસ્ટ ચૅમ્પિયનશિપની ફાઇનલમાં ૬૪.૪ ઓવરમાં ૩ વિકેટે ૧૪૬ રન બનાવ્યા હતા. મૅચનો પહેલો દિવસ વરસાદને લીધે ધોવાઈ ગયો હતો, પરંતુ બીજા દિવસે પણ બૅડ લાઇટને કારણે છેલ્લા સેશનમાં મૅચને બે વખત અમ્પાયરોએ અટકાવી હતી. ભારતે લન્ચ દરમ્યાન ૬૯ રનમાં બે વિકેટ ગુમાવી હપતી. ત્યાર બાદ ચેતેશ્વર પુજારા (૮) સાથે કોહલીએ ૫૧ રનની પાર્ટનરશિપ કરી હતી.પુજારા આઉટ થતાં રહાણે આવ્યો હતો. જોકે અમ્પાયરોએ બૅડ લાઇટને કારણે વહેલો ટી-બ્રેક લીધો હતો.
પુજારાનું ૩૬ બૉલ બાદ ખુલ્યું ખાતું
પહેલા સેશનની સરખામણીમાં ન્યુ ઝીલૅન્ડના ફાસ્ટ બોલરોએ શિસ્તબદ્ધ બોલિંગ કરતાં બૅટ્સમેનોને સહેલાઈથી રન કરવા નહોતા દીધા. કોહલીએ પણ ડ્યુક બૉલનું સન્માન કરતાં કોલિન ડી ગ્રૅન્ડહોમની ત્રણ ઓવર મેઇડન કાઢી હતી. પુજારાએ ખાતું ખોલવામાં ૩૬ બૉલ લીધા હતા. શુભમન ગિલની જેમ પુજારાની હેલ્મેટ પર પણ વૅગનરનો બૉલ વાગ્યો હતો. જોકે એનાથી તેને કોઈ ફરક પડ્યો નહોતો. રોહિત શર્મા ૬૮ બૉલમાં ૩૪ રન અને શુભમન ગિલે ૬૪ બૉલમાં ૨૮ રન કરી શરૂઆતમાં કોઈ વિકેટ પડવા દીધી નહોતી. જોકે લન્ચ પહેલાં ભારતે ૬૯ રનમાં બે વિકેટ ગુમાવી હતી. 
રોહિત-ગિલની ૬૨ રનની પાર્ટનરશિપ
પહેલો દિવસ વરસાદે ધોઈ નાખ્યા બાદ કૅપ્ટન કેન વિલિયમસને ટૉસ જીતીને પહેલાં ફીલ્ડિંગ કરવાનું પસંદ કર્યું હતું. ભારતે બે દિવસ પહેલાં જાહેર કરેલી પોતાની પ્લેઇંગ ઇલેવનમાં કોઈ ફેરફાર કર્યો નહોતો. બીજી તરફ ન્યુ ઝીલૅન્ડે સ્પિનરને બદલે ઑલરાઉન્ડર ડી ગ્રૅન્ડહોમને પાંચમા વિકલ્પ તરીકે પસંદ કર્યો હતો. ઇંગ્લૅન્ડમાં પ્રથમ વખત ઓપનિંગ કરતાં રોહિત અને ગિલે બોલ્ટ અને સાઉધીનો સામનો કરતાં ૬૨ રનની પાર્ટનરશિપ કરી હતી. 

20 June, 2021 10:02 AM IST | Mumbai | Gujarati Mid-day Correspondent

અન્ય લેખો

ક્રિકેટ

કોરોના કેર, આઠ ખેલાડી આઉટ, ચારનું ડેબ્યુ

કોરોના પૉઝિટિવ કૃણાલ પંડ્યા ઉપરાંત તેના સંપર્કમાં આવેલા ખેલાડીઓ પણ ટી૨૦ સિરીઝમાંથી થયા બહાર, બીજી ટી૨૦માં દેવદત્ત પડિક્કલ, રિતુરાજ ગાયકવાડ, નીતિન રાણા અને ચેતન સાકરિયાને મળ્યો પહેલી વાર મોકો

29 July, 2021 03:37 IST | Mumbai | Agency
ક્રિકેટ

ઇંગ્લૅન્ડના ભૂતપૂર્વ ક્રિકેટ માઇક હૅન્ડ્રિક્સનું અવસાન

૧૯૮૨માં સાઉથ આફ્રિકાની રિબેલ ટૂરમાં સામેલ થતા તેમના પર ત્રણ વર્ષનો બૅન મુકાવામાં આવ્યં હતો અને તેમના કરિયરનો અંત આવી ગયો હતો.   

28 July, 2021 02:54 IST | Mumbai | Agency
ક્રિકેટ

ટીમ ઇન્ડિયાએ શરૂ કરી ટ્રેઇનિંગ, પંત જોડાયો

ભારતીય ટીમ આ પહેલાં કાઉન્ટી ઇલેવન સામે ત્રણ દિવસની એક વૉર્મઅપ મૅચ પણ રમી હતી જે ડ્રૉ ગઈ હતી.

28 July, 2021 02:50 IST | Mumbai | Agency

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK