અમેરિકાના ફ્લૉરિડામાં એક ઘરની બહાર બે મગર લટાર મારી રહ્યા છે અને એક મગરે ઘરમાં ઘૂસવા માટે ડોરબેલ દબાવી એવો ૩૦ સેકન્ડનો વિડિયો શુક્રવારે સોશ્યલ મીડિયામાં વાઇરલ થયો હતો.
વાયરલ વીડિયોનો સ્ક્રીનગ્રૅબ
અમેરિકાના ફ્લૉરિડામાં એક ઘરની બહાર બે મગર લટાર મારી રહ્યા છે અને એક મગરે ઘરમાં ઘૂસવા માટે ડોરબેલ દબાવી એવો ૩૦ સેકન્ડનો વિડિયો શુક્રવારે સોશ્યલ મીડિયામાં વાઇરલ થયો હતો. ઘરની બહાર લગાવવામાં આવેલા કૅમેરામાં આ ફુટેજ રેકૉર્ડ થયું હતું અને આ ફુટેજ ‘ઓન્લી ઇન ફ્લૉરિડા’ના નામે વાઇરલ થયું છે. વિડિયોમાં દેખાય છે કે એક મગર શાંત બેઠો છે, પણ બીજો મગર ઘરની ડોરબેલ દબાવે છે. ત્યાર બાદ એ ઘરના દરવાજા સુધી પહોંચે છે અને દરવાજો ખોલવાનો નિષ્ફળ પ્રયાસ કરે છે. આ ઘટના ક્યાં બની છે એની માહિતી આપવામાં આવી નથી પણ અમેરિકાના લુસિયાનામાં સૌથી વધારે મગરની વસ્તી છે અને બીજો નંબર ફ્લૉરિડાનો છે.
