આવું તેમણે એટલા માટે કર્યું હતું જેથી તેમનો પુત્ર વિનમ્ર બને અને મહેનત કરીને સફળતા મેળવે.
૨૪ વર્ષનો ઝાંગ ઝિલોંગ માલા
સામાન્ય રીતે એક સમૃદ્ધ વ્યક્તિ પોતાના બાળકની બધી જરૂરિયાત નાનપણથી જ પૂરી કરતો રહે છે અને તેને કોઈ વાતની કમી ન રહે એ સુનિશ્ચિત કરે છે. જોકે ચીનમાં એક યુવક ૨૦ વર્ષ સુધી એ વાતથી અજાણ હતો કે તે એક કરોડપતિનો દીકરો છે! ૨૪ વર્ષનો ઝાંગ ઝિલોંગ માલા પ્રિન્સ નામની બ્રૅન્ડના પ્રમુખ ઝાંગ યુડોંગનો પુત્ર છે. તેમની બ્રૅન્ડ વર્ષે ૬,૯૨,૬૬,૫૪,૩૫૮ રૂપિયાનું ઉત્પાદન કરે છે. ઝાંગ ઝિલોંગ પિતાની પ્રખ્યાત બ્રૅન્ડથી વાકેફ હતો, પણ તેને કહેવામાં આવતું કે કંપનીને ચાલુ રાખવા માટે પરિવારના માથે દેવું થઈ ગયું છે. ઝિલોંગ એક સામાન્ય ફ્લૅટમાં મોટો થયો હતો અને પોતાના પરિવારની ઓળખનો ઉપયોગ કર્યા વગર સ્કૂલમાં ઍડ્મિશન મેળવ્યું હતું. યુનિવર્સિટીમાંથી ગ્રૅજ્યુએટ થયા બાદ તે નોકરી કરવા માગતો હતો જેથી તેનો પરિવાર દેવામાંથી બહાર આવે. જોકે ઝાંગ યુડોંગે પુત્રના ગ્રૅજ્યુએશન દરમ્યાન રહસ્ય છતું કર્યું કે તેઓ કરોડપતિ છે. આવું તેમણે એટલા માટે કર્યું હતું જેથી તેમનો પુત્ર વિનમ્ર બને અને મહેનત કરીને સફળતા મેળવે.
