લગભગ નવ દાયકા પહેલાં શરૂ થયેલી રેસ્ટોરાંના વેઇટર્સની રેસનો શિરસ્તો ફ્રાન્સના પૅરિસ શહેરમાં આજે પણ ફ્રેન્ચ કલ્ચરનો અભિન્ન હિસ્સો બની રહ્યો છે. આ રેસમાં વિવિધ રેસ્ટોરાંના વેઇટર્સ એક ટ્રેમાં કૉફી, પાણી અને ક્રૉસોં નામની ફ્રેન્ચ પેસ્ટ્રી લઈને દોડે છે.
વેઇટરોની રેસ
લગભગ નવ દાયકા પહેલાં શરૂ થયેલી રેસ્ટોરાંના વેઇટર્સની રેસનો શિરસ્તો ફ્રાન્સના પૅરિસ શહેરમાં આજે પણ ફ્રેન્ચ કલ્ચરનો અભિન્ન હિસ્સો બની રહ્યો છે. આ રેસમાં વિવિધ રેસ્ટોરાંના વેઇટર્સ એક ટ્રેમાં કૉફી, પાણી અને ક્રૉસોં નામની ફ્રેન્ચ પેસ્ટ્રી લઈને દોડે છે. એ રેસમાં તમે કયા નંબરે ફિનિશલાઇન પાર કરો છો એ મહત્ત્વનું નથી, પરંતુ દોડતી વખતે કૉફી કે પાણી ઢોળાવાં ન જોઈએ એ મહત્ત્વની શરત હોય છે. આ રેસ બહુ લાંબા અંતરની નથી, પરંતુ શહેરના મુખ્ય વિસ્તારોની ગલીઓમાં લોકો દોડે ત્યારે તેમને જોવા સેંકડો લોકો એકઠા થાય છે. વચ્ચે થોડાક સમય માટે આ રેસ થતી બંધ થઈ ગયેલી, પરંતુ ૨૦૧૧થી ફરીથી એની એ જ જોરશોરથી શરૂઆત થઈ ગઈ છે.
