° °

આજનું ઇ-પેપર
Friday, 09 December, 2022


અન્ડરગાર્મેન્ટ પહેરો, પાકિસ્તાન ઍરલાઇન્સે એના કૅબિન ક્રૂને આપ્યો વિચિત્ર આદેશ

04 October, 2022 11:14 AM IST | Lahore
Gujarati Mid-day Correspondent | feedbackgmd@mid-day.com

કૅબિન-ક્રૂએ અયોગ્ય પોશાક પહેર્યો હોય તો એનાથી ઍરલાઇન્સની છબિ ખરડાય છે એમ જણાવતાં પીઆઇએએ ભારપૂર્વક અન્ડરગાર્મેન્ટ પહેરવાનું આવશ્યક ગણાવ્યું હતું.

અન્ડરગાર્મેન્ટ પહેરો, પાકિસ્તાન ઍરલાઇન્સે એના કૅબિન ક્રૂને આપ્યો વિચિત્ર આદેશ Offbeat

અન્ડરગાર્મેન્ટ પહેરો, પાકિસ્તાન ઍરલાઇન્સે એના કૅબિન ક્રૂને આપ્યો વિચિત્ર આદેશ

પાકિસ્તાન ઇન્ટરનૅશનલ ઍરલાઇન્સ (પીઆઇએ)એ એના કૅબિન-ક્રૂને આપેલા એક અસામાન્ય આદેશમાં ‘યોગ્ય રીતે પોશાક પહેરવા’ અને ‘અન્ડરગાર્મેન્ટ્સ પહેરવાં’ માટેની સૂચના આપી હતી. અયોગ્ય પોશાકને કારણે સંસ્થાની છબિ ખરડાય છે એવું કારણ આગળ ધરતાં પીઆઇએના જનરલ મૅનેજર આમિર બશીરે આ મેમોમાં અધિકારી વર્ગને કૅબિન-ક્રૂ પર ધ્યાન આપવા જણાવ્યું હતું.

પ્રત્યેક ઍરલાઇન્સના પોતાના અમુક નિયમો હોય છે, જેનું એના કર્મચારીઓએ પાલન કરવાનું હોય છે, પરંતુ પીઆઇએએ એના કર્મચારીઓને સ્પષ્ટપણે એક જ નિયમનું પાલન કરવાનો અનુરોધ કર્યો છે અને એ છે ‘અન્ડરગાર્મેન્ટ્સ પહેરો.’

કૅબિન-ક્રૂએ અયોગ્ય પોશાક પહેર્યો હોય તો એનાથી ઍરલાઇન્સની છબિ ખરડાય છે એમ જણાવતાં પીઆઇએએ ભારપૂર્વક અન્ડરગાર્મેન્ટ પહેરવાનું આવશ્યક ગણાવ્યું હતું.

પીઆઇએના જનરલ મૅનેજર આમિર બશીરે ઇન્ટર્નલ મેમોમાં કહ્યું હતું કે ‘કેટલાક કૅબિન-ક્રૂ ઇન્ટરસિટીમાં મુસાફરી કરતી વખતે, હોટેલમાં રોકાતી વખતે કે વિવિધ ઑફિસની મુલાકાત લેતી વખતે અચાનક જ અન્ડરગાર્મેન્ટ્સ પહેરવાનું ટાળતા હોય છે. આમ કરવાથી જોનારના મનમાં તે વ્યક્તિ અને સંસ્થાની છ​બિ બગડે છે. પુરુષો-સ્ત્રીઓ દ્વારા પહેરવામાં આવતાં કપડાં આપણા દેશની સાંસ્કૃતિક અને રાષ્ટ્રીય નૈતિકતાનું પાલન કરનારાં હોવાં જોઈએ’ એવી સલાહ બશીરે આપી હતી.

જોકે આ પ્રકારની વિચિત્ર ઍડ્વાઇઝરી કોઈ ચોક્કસ ઘટનાને પગલે જારી કરવામાં આવી છે કે કોઈકે આ મામલે ફરિયાદ કરી છે એની હજી ખબર પડી નથી.

04 October, 2022 11:14 AM IST | Lahore | Gujarati Mid-day Correspondent

અન્ય લેખો

ચિત્ર-વિચિત્ર

આ છે ગુજરાતની `છોટી આલિયા`, કેસરિયા પર ડાન્સ વીડિયોએ મચાવી ધમાલ, જુઓ ઢાંસુ ડાન્સ

છોટી આલિયા (Chhoti Alia Bhatt) તરીકે સોશિયલ મીડિયામાં છવાયેલી બેબી ગર્લ વ્યોમી રાદડિયા (Vyomi Radadia)છે. જે 9 વર્ષની છે અને મુળ રાજકોટ શહેરની છે.

09 December, 2022 07:12 IST | Rajkot | Nirali Kalani
ચિત્ર-વિચિત્ર

પબ્લિક ટૉઇલેટને કૉફી-શૉપમાં કન્વર્ટ કર્યું

‘ધ અટેન્ડન્ટ’ તરીકે ઓળખાતું ૩૯૦ ચોરસ ફુટનું આ ફિટ્ઝરોવિયા સેન્ટ્રલ લંડનના રહેવાસીઓમાં લોકપ્રિય છે

09 December, 2022 11:11 IST | London | Gujarati Mid-day Correspondent
ચિત્ર-વિચિત્ર

વિશ્વના સૌથી ઊંચા માણસ રૉબર્ટ વાડલોનો ફોટો વાઇરલ

ગિનેસ વર્લ્ડ રેકૉર્ડ‍્સે પણ આ ફોટોને રીટ્વીટ કરી લખ્યું છે કે ‘વિશ્વની અત્યાર સુધી સૌથી ઊંચું કદ ધરાવતી વ્યક્તિનો અદ્ભુત ફોટો`

09 December, 2022 11:09 IST | Washington | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK