નેપાળમાં બહાર નીકળશો તો ગેંડો પાછળ પડશે
બહાર નીકળશો તો ગેંડો પાછળ પડશે
જ્યારથી દેશવિદેશમાં લૉકડાઉન લાગુ પડ્યું છે અને માણસો ઘરમાં કેદ થયા છે ત્યારથી રોડ પર જંગલી પ્રાણીઓ પણ બિન્ધાસ્ત ફરવા લાગ્યા છે. માણસો કેદ થતાં પ્રાણીઓને મોકળું મેદાન મળ્યું છે એટલે ક્યાંક હાથી રોડ પર મહાલતો જોવા મળે છે તો ક્યાંક હરણ, ક્યાંક નીલકગાય તો ક્યાંક દીપડા. તાજેતરમાં ઇન્ડિયન ફોરેસ્ટ સર્વિસના ઑફિસર પ્રવીણ કાસવાને એક વિડિયો શૅર કર્યો છે જેમાં એક ગેંડો રોડ પર રાજાની જેમ મહાલી રહ્યો છે. રસ્તામાં ફરતા એકલ-દોકલ માણસોને જોઈને એ તેની પાછળ પડે છે. માણસ પણ તેના રસ્તામાંથી હટીને નજીકની ગલીની દુકાનમાં ચડી જાય છે. આ તસવીર નેપાલની છે. સામાન્ય રીતે જે બજારમાં હકડેઠઠ માણસો ફરતા હોય ત્યાં હવે પ્રાણીઓ વિનાસંકોચે મહાલી રહ્યા છે.