Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > દેસી સ્પાઇડરમૅન: કેરલાના બસ-કન્ડક્ટરે સુપરહીરોની જેમ પૅસેન્જરને બસમાંથી બહાર પડી જતાં બચાવ્યો

દેસી સ્પાઇડરમૅન: કેરલાના બસ-કન્ડક્ટરે સુપરહીરોની જેમ પૅસેન્જરને બસમાંથી બહાર પડી જતાં બચાવ્યો

08 June, 2024 10:54 AM IST | Thiruvananthapuram
Gujarati Mid-day Correspondent | feedbackgmd@mid-day.com

કેરલાના એક બસ-કન્ડક્ટરની સિક્સ્થ સેન્સ સોશ્યલ મીડિયા પર ચર્ચાનું કેન્દ્ર બની છે

તસવીર સૌજન્ય : સોશ્યલ મીડિયા

અજબગજબ

તસવીર સૌજન્ય : સોશ્યલ મીડિયા


દરેક વ્યક્તિ સ્વાદ, દૃષ્ટિ, ગંધ, સ્પર્શ અને શ્રવણ એમ પાંચ ઇન્દ્રિય ધરાવે છે. એના સિવાય એક સેન્સ એવી છે જેમાં વ્યક્તિને કોઈ ઘટના બનતાં પહેલાં જ એના વિશે અણસાર આવી જાય છે. આને સિક્સ્થ સેન્સ કહેવાય. ઘણા લોકોની સિક્સ્થ સેન્સ એટલી પાવરફુલ હોય છે કે તેમને કોઈ સુપરહીરો હોવાનો અનુભવ થાય છે. કેરલાના એક બસ-કન્ડક્ટરની સિક્સ્થ સેન્સ સોશ્યલ મીડિયા પર ચર્ચાનું કેન્દ્ર બની છે. આ બસ-કન્ડક્ટરે કોઈ સુપરહીરોની જેમ એક પૅસેન્જરને બસમાંથી પડતો બચાવ્યો હતો. આ ઘટનાના વાઇરલ વિડિયોમાં દેખાય છે કે બસ-કન્ડક્ટર દરવાજા પાસે ઊભો રહીને બે વ્યક્તિને ટિકિટ આપી રહ્યો છે. બસ-ડ્રાઇવરે અચાનક બ્રેક મારતાં બેમાંથી એક પૅસેન્જર દરવાજામાંથી પડવાનો હોય છે, પણ ત્યાં જ બસ-કન્ડક્ટર પાછળથી તેનો હાથ લંબાવીને તેને પડતો બચાવી લે છે.

નવાઈની વાત એ છે કે આ બસ-કન્ડક્ટરે પાછળ ફરીને વ્યક્તિ સામે જોયા વગર જ ઍવેન્જર્સ ફિલ્મના હીરોની જેમ તેનો હાથ ખેંચી લીધો હતો જાણે તેના માથાના પાછળના ભાગમાં પણ બે આંખો હોય. જો કન્ડક્ટરે પ્રેઝન્સ ઑફ માઇન્ડ બતાવ્યું ન હોત તો એ પૅસેન્જર કદાચ બસના પૈડા નીચે આવી ગયો હોત. વિડિયો પોસ્ટ કરનારે લખ્યું હતું કે કેરલાના બસ-કન્ડક્ટરે તેની ‘પચીસમી’ સેન્સનો ઉપયોગ કરીને મુસાફરને બસમાંથી પડતો બચાવ્યો. લોકોએ આ વિડિયો જોઈને બસ-કન્ડક્ટરને ‘દેસી સ્પાઇડરમૅન’ની ઉપમા આપી હતી. તો એક વ્યક્તિએ કહ્યું હતું કે આ તો રજનીકાન્તનો અવતાર છે. 


Whatsapp-channel Whatsapp-channel

08 June, 2024 10:54 AM IST | Thiruvananthapuram | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK